Upgrade to Chess.com Premium!

Tre gabimet në shah

Loja e shahut për variacionet që jep dhe pafundësinë e zgjidhjeve nuk mund të ketë rregullsi lëvizjesh.

Mund të mësohen shumë lojra të lozura nga shahistët e mëdhenj por përsëri nuk mjafton të ndiqet përvec hapjeve dhe disa variante të vazhdimit të tyre.

Gjatë lojës sipas mendimit të specialistëve bëhen edhe mjaft gabime.

Thuhet se një lojtar i kujdeshëm mund të përfitojë nga gabimet e kundërshtarit dhe të arrijë deri në fitore edhe pa përdorur ndonjë strategji tejet të sofistikuar.

 Cilat pra janë këto grupime gabimesh?

 Më e hasura është lëvizja E PAMENDUAR.

Sot janë të regjistruara të gjitha lojrat jo vetëm të Mjeshtarve të Mëdhenj (MM) por edhe të gjitha ndeshjet e Turnamenteve si dhe sot ato që luhen në internet, e pse jo edhe të shahistave që luajnë në Chess.com me pagesa sipas shkallëve që ju i njihni tashmë.

Lojrat e të regjistruarve pa pagesë ruhen vetëm për një kohë të shkurtër.

Duke u komjuterizuar lojrat është e thjeshtë të analizohet cdo lëvizje dhe të përcaktohet përse është e pamenduar.

Në lojrat Chess Online një lëvizje e bërë me provokim nëse nuk e sheh kundërshtari të grabis ndonjë ushtar apo figurë është njëra prej tyre.

Një lëvizje tjetër që bëhet pastrategji të ndërtuar në mendjen tuaj apo të regjistruar në kutinë 'NOTE' gjithashtu quhet e pamenduar.

Kurse rasti tjetër që janë lëvizje shumë më të përsosura për të nisur apo vazhduar një startegji dhe ne lëvizim krejt një tjetër lëvizje (pa lidhje) konsiderohet pra e pamenduar.

 Një tjetër gabim kësaj radhe është e menduar por nuk përfundon në rrugë matematikore për barazim forcash dhe në përfundim del me humbje të njërit apo disa gurëve dhe bashkë me to edhe të një apo disa pikëve.

Kjo lloj pa saktësie konsiderohet GABIM dhe është normale të ndodhë tek kush do.

Kur disavantazhet janë të mëdha loja në përgjithësi përfundon duke u tërhequr nga vazhdimi i saj.

Natyrisht një avantazh që mund të krijohet, sikur edhe një pikëshe kur ballafaqohet me një pozicion të rezistueshëm dhe dominues është përsëri një lojë gati e përfunduar.

Shahistat me përvojë mund edhe të tërhiqen nga vazhdimi i pashpresë i saj. 

Gabimi i tretë apo ai që ndodh vetëm një herë gjatë lojës është më katastrofali dhe i ndodh cdo lojtari që në gjuhën e shahistave merr emrin BYLMEZ.

Biles kur njihet kundërshtari BYLMEZ thuhet që ji i kujdeshëm dhe prit që ai të ta dhurojë vetë lojën.

Më interesantja është se ky lloj gabimi ka ndodhur shpesh edhe me lojtarët MM.

Arsyeja e gabimit katastrofal natyrisht ka shkaqet e saj, si koha e kufizuar e lëvizjeve si dhe presioni psikollogjik kur ke një disavantazh të kosiderueshëm.

Në këtë rastin e fundit mund të konsiderohet normale, njësoj si edhe në sportet e tjera si futbolli etj.

Një lëvizje katastrofale mund të bëhet edhe kur je në eufori nga ndjenjat emocionale që të jep loja ose edhe nga nënvleftësimi i kundërshtarit.

Le ta emrojmë këtë gabimin e fundit si lëvizja FATALE.

Post your reply: