Snortinn!

Submitted by delaislandia on Sun, 04/26/2009 at 1:09pm.

Ég vill nota tækifærið og þakka starnrone fyrir að hafa veitt mér þetta tækifæri og látið langþráðan draum minn verða að veruleika, þ.e.as að verða landsliðsfaðir. Nú eru merk tímamót í mínu lífi og ekki hægt að segja annað en líf mitt hafi tekið 360 gráðu viðsnúning við þessar stóru fréttir. Hér verð ég sonum mínum til taks til að láta markmið ykkar rætast jafnt í hinum harða heima internetskáklistarinnar sem og í lífinu sjálfu. Hér verð ég til að leiðbeina ykkur og veita ykkur ráðgjöf full af föðurlegum kærleik og umhyggju. Þið getið alltaf leitað til mín og mér getið þið treyst sama hvert erindið er. Ég mun eftir fremsta megni leiða ykkur inn á vígvöllinn og klæða ykkur herklæðum við hæfi fyrir hverja orrustu við óvinaþjóðir. Landsliðið mun hafa algjöran forgang í mínu lífi hér eftir og vill ég hér koma á órjúfanlegum fjölskylduböndum og mín trú er sú að þegar við verðum orðinn ein samrýnd fjölskylda þá muni vegsemd okkar og virðing erlendis aukast í takt við vaxandi hæfni okkar á sviði skákarinnar. Elsku synir, þetta er enginn leikur, við eigum í stríði og stríðið er raunverulegt. Ég veit í hjarta mínu að við munum búa til fjölskyldu sem er ekki bara ósigrandi heldur einnig ódauðleg og heimurinn mun fá nýja sýn á landið okkar og sjá að við eigum ekki í neinni kreppu á þeim sviðum sem skiptir máli. Ísland er land sigurvegara og við erum hinir útvöldu til að sanna það mál. Tvær reglur mun ég hér með innleiða og legg ég til að synir mínir taki nú vel eftir..... Elska skaltu feður þína og bræður, en hataðu óvininn.. Í landsleikjum er ekkert ásættanlegt nema sigur, enda erum við sigurvegarar og þar af leiðandi að bera virðingu fyrir því eðli sem okkur var gefið í vöggugjöf. Ég ítreka enn og aftur elsku synir, þetta er enginn leikur, þetta er skák, þetta er stríð!! Góðar stundir!

» more Team Iceland News