Şahmat Oyununda Necə Qalib Gəlmək Olar?

Şahmat Oyununda Necə Qalib Gəlmək Olar?

CHESScom
CHESScom
1 yan 2017 00:00 |
19 | Başlayanlar Üçün

Siz necə qalib gəlirsiniz şahmat oyununda?

Şahmatın məqsədi rəqibi mat etməkdir.

Mat o zaman alınır ki, şah hansısa fiqur tərəfindən zərbə altındadır və onun çıxış yolu yoxdur. Bu mərhələdə oyun dayanır. Amma mat hazırlıq olmadan alınmır.

Şahmat oyununda qalib gəlmək üçün altı məsləhətə əməl etmək lazımdır:

1. Yaxşı Açılış Gedişləri Etmək Lazımdır
Sizin şahmatda birinci gedişlərinizin məqsədi lövhəyə nəzarət yaratmaqdır. Lövhənin ən vacib hissəsi mərkəzdir. Əgər mərkəzi fiqurlar və piyadalar vasitəsi ilə nəzarətdə saxlaya bilirsinizsə onda oyunun istiqamətini siz diktə edə biləcəksiniz. Aşağıdakı vəziyyətdə Ağların iki piyadası lövhənin mərkəzini tamamilə nəzarətdə saxlayır amma Qaraların heç bir təsiri yoxdur.

2. Fiqurlarınızı boş-boşuna qurban verməyin

Fiqurları dəyişmək şahmatın adi bir hissəsidir amma siz ancaq bərabər qiymətli fiqurları dəyişməlisiniz. Çox sayda oyunçu sadəcə olaraq fiqurlarını və piyadalarını boş-boşuna qurban verdikləri üçün uduzurlar. Digər tərəfdən rəqibin boş-boşuna qurban verdiyi bütün fiqurları götürməlisiniz (amma tələlərdən ehtiyyatlı olun).

3. Fiqurlarınızı Lazımi Vəziyyətə Gətirin
Rəqibin şahına çatmazdan əvvəl gərək fiqurlarınızı hücum vəziyyətinə gətirəsiniz. Bu o deməkdir ki, çox sayda seçimi olan fiqurlar istəyəcəksiniz.

Piyadalar damalara nəzarət edir. Atlar mərkəzdə olmağı xoşlayır. Fillər uzun diaqonallarda olmağı sevir. Toplar ortada vəya açıq xətlərdə düzülməyi xoşlayır. Vəziriniz hərəkətə keçməyə hazır olmalıdır.

4. Şaha Hücumu İdarə Edin
Adətən şahı sadəcə bir fiqurla mat edə bilməzsiniz. Adətən mat çox sayda fiqurun birlikdə səyi nəticəsində alınır. Əksər hallarda bir fiqur şah verir digər bir fiqur isə şah verən fiquru şahın vurmasından qoruyur. Bəzən isə qurban verərək düşmənin müdafiəsini qırmaq üçün daha çox fiqura ehtiyac olur.

5. Öz Şahınızın Təhlükəsizliyini Təmin Edin

Hərdən oyunçular o qədər rəqibin şahına cəmləşir ki, özünkünə baxmaq yadından çıxır. Yadda saxlayın ki, sizin rəqibiniz də oynayır və sizin şahınıza hücum edəcəkdir. Rəqibinizin hər gedişində yaranan təəhlükələri gördüyünüzdən əmin olun. Şahınızı təhlükələrdən uzaq saxlamağın ən yaxşı yolu onu müdafiəçi piyadaların arxasında yerləşdirməkdir. Aşağıdakı vəziyyətdə Ağların şahı rahat və təhlükəsizdir amma Qaralarınkı asanlıqla hücuma məruz qalar.

6. Həmişə Yaxşı İdmançı kimi Davran

Udsan da uduzsan da, həmişə rəqibinizə oyuna təşəkkür edin vəya onu təbrik edin. Udmaq da uduzmaq da oyunun bir hissəsidir. Dünyanın ən yaxşı oyunçuları da arada bir uduzur.

Ona görə də hər şey qurtardıqdan sonra lütfkar və mehriban olun və növbəti dəfə daha yaxşı oynamaq üçün biraz zaman ayırıb düşünün.

Be a good sport.

Şahmatda qalib gəlmək haqqında daha çox öyrənmək üçün Chess.com üzvü olun. Bu pulsuz və asandır!

CHESScom istifadəçisindən daha çox
Onlayn Şahmat Oynamaq Üçün Ən Yaxşı Yer

Onlayn Şahmat Oynamaq Üçün Ən Yaxşı Yer

Ən Yaxşı Şahmat Saytı Hansıdır?

Ən Yaxşı Şahmat Saytı Hansıdır?