Salam hörmətli şahmatsevərlər
Şahmat nədir? Necə olur ki, 15 əsr bundan öncə insanlar tərəfindən düşünülən bu oyun indi də insanları özünə cəlb edir? Necə olur ki, bu kiçik fiqurlara görə oturub saatlarla fikirləşmək olur?
Bir neçə dahi şəxsiyyətlərin şahmat ın gözəlliyi haqda dedikləri fikirlərə diqqət yetirək:
L.N. Tolstoy –“Şahmat əla əyləncədir, Şahmat arxasında Siz istirahət edirsiniz və bütün qayğılarınızı unudursunuz”.
Qete-“Şahmat bir misqal ağıl daşıdır”
JAN JAK Russo -“incə İncəsənət və əfsanəvi mübarizə”
Özündə incəsənət, elm, idmanı birləşdirən bu müdrik oyun insan beyninin fantaziyası üçün geniş imkan yaradir, çox ecazkar ahəngliklə (harmoniya) sərbəst fikirlə dəqiq məntiqi hesablamaları birləşdirir.
Qədim müdriklər şahmatın mahiyyətini belə ifadə etmişlər: “ Ağılla qazanılan qələbə” . Bu deyilənlərin ən yaxşısıdır! Deyilmi!
Hər zamanın öz çempionları olmuşdur. Amma şahmatı tam səhvsiz oynamaq hələ heç kimə nəsib olmayıb.
Şahmatın vətəni Hindistandır. Bu ölkədən şahmat oyunu bütün dünyaya yayılmışdır. Şahmat oyunu arxasında dünyanın müxtəlif yerlərində milyonlarla insan öyrənir, çalışır, mübarizə aparır.
Dünya şahmat tarixində Sovet şahmat məktəbi xüsusi yer tutur. Çünki Sovetlər ölkəsində başqa sahələrdə olduğu kimi İstedad axtarılır, tapılır və yetişdirilirdi.
Çox da böyük olmayan bu kitabın müəlliflərinin qarşıya qoyduqları məqsəd öz oxucularına şahmat oyununun əsasını mənimsəməkdə, bu oyunun gözəlliyini və möhtəşəmliyini dərk etməkdə kömək göstərməkdir.