Дабрачынны шахматны анлайн-фестываль "шахматамі па каронавірусе" 16-17 траўня
У суботу і нядзелю 16 і 17 траўня Шахматны дом праводзіць анлайн-турніры па хуткіх шахматах і бліцы ў межах 2га дабрачыннага шахматнага анлайн-фестывалю "Шахматамі па каронавірусе". Усе сабраныя сродкі будуць накіраваныя ў фонд ЮНІСЭФ на барацьбу з каронавірусам. Запрашаем усіх жадаючых паўдзельнічаць і тым самым аказаць дапамогу нашым дактарам!
Палажэнне аб правядзенні анлайн-турніраў па хуткіх шахматах і бліцы
ў межах 2га дабрачыннага фестывалю "Шахматамі па каронавірусе"
- Час і месца.
Спаборніцтвы праводзяцца на найбуйнейшым гульнявым шахматным сайце chess.com. - Сістэма правядзення.
Турніры па хуткіх шахматах праводзяцца па швейцарскай сістэме ў 7 тураў. Турнір будзе падзеленыя на дзве катэгорыі паводле рэйтынгу chess.com: ніжэй 1400 і без абмежавання па рэйтынгу. Кантроль часу - 10 хвілін на партыю плюс 5 секунд на ход кожнаму ўдзельніку. Прыблізная працягласць турніру - 3,5 гадзіны
Турнір па бліцы праводзіцца агульным турнірам па швейцарскай сістэме ў 11 тураў. Кантроль часу - 3 хвіліны на партыю плюс 2 секунды на ход кожнаму ўдзельніку. Прыблізны час турніру - 2 гадзіны
Лёсаванне ажыццяўляецца аўтаматычна сайтам chess.com
Кантроль за сумленнасцю гульні забяспечваецца антычытэрскімі алгарытмамі сайта chess.com. У выпадку падазрэнняў на несумленную гульню трэба звярнуцца ў падтрымку chess.com
Увага! Пад час турніру любое перарыванне гульні: закрыццё сайта chess.com, выключэння гульнявой прылады, збоі ў інтэрнэт злучэнні, самастойны выхад з турніра - вядуць да выхаду з турніра! Аднавіць свой удзел у турніры сайт chess.com магчымасці не дае! - Удзельнікі.
Да ўдзелу запрашаюцца ўсе ахвотныя. Удзельнік фестывалю можа згуляць у двух ці толькі ў адным з турніраў па сваім жаданні. Для ўдзелу неабходна:- Зарэгістраваць акаўнт на сайце chess.com (калі яшчэ няма)
- Аплаціць дабрачынны ўнёсак непасрэдна на рахунак ЮНІСЭФ і зрабіць скрыншот ці фотаздымак квітанцыі аб аплаце.
- На сайце chess.com даслаць запыт на далучэнне да закрытага клуба Chess against covid-19 - 2 па гэтай спасылцы https://www.chess.com/club/chess-against-covid-19-2
Пасля гэтага адміністратар клуба напіша вам на chess.com асабістае паведамленне, у адказ на якое трэба будзе далучыць скрыншот ці фотаздымак квітанцыі аб аплаце дабрачыннага ўнёску. Пасля гэтага адміністратар падцвердзіць вашае далучэнне да клуба Chess against covid-19 - 2 - Далучыцца да турніраў можна не раней чым за 1 гадзіну да іх пачатку!
- Рапід <1400 16.05 18:00 - далучыцца можна з 17:00
- Рапід без абмежаванняў 16.05 18:00 - далучыцца можна з 17:00
- Бліц 17.05 18:00 - далучыцца можна з 17:00
- Рэгістрацыя.
Рэгістрацыя на фестываль з аплатай дабрачыннага турнірнага ўнёску ажыццяўляецца да 15 траўня ўключна. У выпадку рэгістрацыі пасля 15 траўня ўдзел у фестывалі не гарантуецца. Зарэгістравацца і аплаціць турнірны ўнёсак можна наступнымі спосабамі: - Унёскі.
Ўнёсак за ўдзел у фестывалі з'яўляецца дабрачынным і складае любую суму па жаданні кожнага ўдзельніка. - Праграма фестывалю.
- 16.05: 18:00 – анлайн-турніры па хуткіх шахматах;
- 17.05: 18:00 – анлайн-турнір па бліцы.
- Вызначэнне месцаў.
Месцы удзельнікаў вызначаюцца па найбольшай колькасці набраных балаў. У выпадку роўнасці балаў у двух ці больш удзельнікаў парадак вызначаецца сайтам chess.com у адпаведнасці з яго ўнутранымі алгарытмамі. - Узнагароджанне.
Падзякі ўсім удзельнікам фестывалю (пайменны спіс) будуць размешчаны на сайце клуба Шахматны дом, а таксама ў групах Шахматнага дома ў сацыяльных сетках. - Дадатковая інфармацыя.
Арганізатар не нясе адказнасці за магчымыя тэхнічныя збоі ў працы сайта chess.com або інтэрнэт-злучэння удзельнікаў.
Выплачаныя дабрачынныя ўнёскі не вяртаюцца нават у выпадку немагчымасці зарэгістраваных удзельнікаў прыняць удзел у фестывалі.
Удзел у фестывалі азначае згоду з усімі пунктамі гэтага Палажэння.
Арганізатар спаборніцтваў пакідае за сабой права ўносіць абгрунтаваныя змены ў гэтае Палажэнне.
Канчатковае тлумачэнне гэтага Палажэння застаецца за арганізатарам спаборніцтваў.
Арганізатар спаборніцтваў - клуб Шахматны дом
