Як палепшыць узровень шахматнага майстэрства

Як палепшыць узровень шахматнага майстэрства

Не мае значэння на якім узроўні Вы гуляеце ў шахматы - заўсёды можна гуляць лепей. Пры наяўнасці пэўных навыкаў і правільнага стаўлення, працэс Вашага шахматнага росту будзе лёгкім і вясёлым. Каб лепей гуляць у шахматы, неабходна вывучыць правілы, многа гуляць, аналізаваць згуляныя партыі, рабіць тактычныя заданні, вывучаць эндшпіль, не губляць часу на дэбюты і заўсёды пераправяраць свае хады.

1. Найперш варта ведаць правілы.
Не важна, ці маеце сумнеў Вы ў сваіх ведах ці лічаце, што ўжо ведаеце ўсе правілы шахмат. Калі Вы яшчэ не сур'ёзны шахматыст, паўтарэнне асаблівасцяў шахматных правіл Вам не зашкодзіць. Правілы і базавыя стратэгіі шахмат можна паўтарыць тут.

2. Гуляйце ў шахматы як найчасцей.
Нельга ў чымсьці разабрацца без сістэматычнага паўтарэння, і шахматы - не выключэнне. Выкарыстоўвайце любую магчымасць згуляць у шахматы - у дарозе, на камп'ютары, дома.

3. Аналізуйце згуляныя партыі і вучыцеся на сваіх памылках.

Гульня без аналізу згуляных партый, як правіла, не прыносіць карысці. У кожнай партыі заўсёды знойдзецца шмат памылак і пераможных магчымасцяў. Каб удасканальвацца, варта разбіраць свае памылкі і вучыцца бачыць магчымасці для перамогі. Аўтамазаваны камп'ютарны аналіз дапаможа Вам разабрацца ў кожнай згулянай Вамі партыі.

4. Абавязкова практыкуйцеся ў вырашэнні тактычных заданняў.
Тактычнае заданне - гэта невялічкая шахматная задача, якую трэба вырашыць. У гэтых  практыкаваннях даюцца рэальныя гульнявыя сітуацыі, у якіх у Вас ёсць шанец перамагчы. Гэта нагадвае гульню, у якой Вы адразу аказваецеся перад магчымасцю перамогі! Паспрабуйце бясплатныя тактычныя заданні.

5. Вывучайце асноўныя пазіцыі эндшпілю.

Як не дзіўна, большасць шахматных партый завяршаюцца не ў дэбюце, а толькі пасля таго, як супернікі зрабілі многа хадоў і размянялі большасць сваіх фігур. У выніку на дошцы застаюцца толькі каралі, некалькі фігур і/ці латнікаў (пешак). Гэта частка партыі называецца "эндшпіль". Тут мэта складаецца ў тым, каб ператварыць аднаго са сваіх латнікаў у візіра (фярзя). Вывучэнне таго, як правільна гуляць у эндшпілі дапаможа Вам перамагчы ў вялікай колькасці партый. Тут Вы можаце папрактыкавацца ў некаторых найбольш распаўсюджаных пазіцыях эндшпілю.

6. Не марнуйце часу на запамінанне дэбютаў.

Многія шахматысты робяць памылку, губляючы час на запамінанне паслядоўнасці хадоў у пачатку партыі. Праблема ў тым, што большасць Вашых супернікаў не ведаюць многіх дэбютаў, а нават калі і ведаюць, то шанцы, што яны згуляюць менавіта Вашу варыяцыю, мінімальныя. Для пачатку проста вывучыце агульныя прынцыпы добрага дэбюту, а не марнуйце час на запамінанні паслядоўнасці хадоў.

7. Заўсёды пераправярайце свае хады.

У шахматах вельмі важна пазбягаць недакладных хадоў. Партыі прайграюцца пераважна з прычыны грубых памылак (зяўкоў). Таму перш чым зрабіць ход якой-небудзь фігурай, заўсёды ўсё пераправерце і пераканайцеся, што Ваш кароль у бяспецы і Вы не аддаеце сваю фігуру без належнай кампенсацыі.

Калі будзеце гатовы палепшыць свой узровень гульні ў шахматы, зарэгіструйцеся на Chess.com, каб бясплатна гуляць і праходзіць заняткі!

Яшчэ ад CHESScom
Колькі шахматыстаў у свеце?

Колькі шахматыстаў у свеце?

Лепшае месца для гульні ў шахматы онлайн

Лепшае месца для гульні ў шахматы онлайн