Як перамагаць у шахматах

Як перамагаць у шахматах

Што трэба для таго, каб перамагчы?

Мэта шахматнай партыі - паставіць мат суперніку.

Мат фіксуецца, калі кароль атакаваны фігурай суперніка і ў яго няма магчымасці пазбегнуць нападу. На гэтым партыя завяршаецца. Аднак мат не магчымы без падрыхтоўкі.

Каб перамагчы ў шахматнай партыі, неабходна прытрымлівацца наступных шасці правілаў:

1. Рабіце дакладныя хады ў дэбюце
Мэта Вашых першых хадоў - усталяваць кантроль над дошкай. Найбольш важнай часткай дошкі з'яўляецца цэнтр. Калі Вашы фігуры і латнікі (пешкі) кантралююць цэнтр, Вы зможаце дыктаваць накірунак гульні. У ніжэй прыведзенай пазіцыі, два белых латніка цудоўна кантралююць цэнтр дошкі і ў той жа час у чорных няма ніякага ўплыву.

2. Не саступайце фігур задарма

Размен фігур - звыклая справа ў шахматах, аднак Вам варта мяняцца толькі фігурамі роўнай каштоўнасці. Многія гульцы прайграюць толькі таму, што яны задарма аддаюць свае фігуры і латнікаў. У адказ Вам варта браць усе фігуры, якія супернік аддае Вам без кампенсацыі для сябе (толькі сцеражыцеся пастак).

3. Прасоўвайце фігуры на актыўныя пазіцыі
Перш чым Вы зможаце дабрацца да караля суперніка, Вам варта вывесці свае фігуры на пазіцыі для атакі. Гэта азначае, што падчас атакі Вам спатрэбяцца актыўныя фігуры, якія маюць дадатковыя магчымасці.

Латнікі кантралююць палі. Коні (вершнікі) любяць знаходзіцца ў цэнтры. Сланам (афіцэрам) даспадобы доўгія дыяганалі. Ладдзям падабаецца знаходзіцца ў цэнтры на адкрытых лініях. Ваш візір (ферзь) заўсёды павінен быць гатовы ўключыцца ў барацьбу.

4. Скаардынуйце атаку на караля
Звычайна нельга паставіць мат адной фігурай. Для гэтага неабходна сумесная работа некалькіх фігур. Часцей за ўсё Вам спатрэбіцца фігура, якая зробіць шах каралю і, як мінімум яшчэ адна фігура, якая будзе яе абараняць, каб кароль не мог тую збіць. Часам трэба ахвяраваць фігуры, каб знішчыць абарону суперніка.

5. Сачыце за бяспекай свайго караля
Часам гульцы настолькі засяроджаны на атацы на караля суперніка, што забываюць пра свайго караля. Памятайце, што Ваш супернік таксама гуляе і таксама плануе атаку на Вашага караля. Абавязкова ўлічвайце тыя пагрозы, якія стварае супернік. Адзін з лепшых спосабаў абараніць свайго караля - размясціць яго за шэрагам з некалькіх латнікаў, якія будуць яго абараняць. У ніжэй прыведзенай пазіцыі кароль белых размешчаны ўтульна і бяспечна, а на караля чорных можна лёгка напасці.

6. Заўсёды будзьце ветлівымі

Незалежна ад таго, перамагаеце Вы ці прайграеце, заўсёды віншуйце суперніка ці выказвайце падзяку за гульню. Перамогі, як і паразы, з'яўляюцца часткай гульні. Нават лепшыя ў свеце гульцы часта прайграюць.

Таму будзьце ветлівымі і ўдзячнымі нават пасля няўдалай партыі, а пасля гульні проста паразважайце над тым, як можна было б згуляць лепей наступным разам.

Be a good sport.

Каб атрымаць яшчэ больш парадаў і даведацца пра тое, як перамагаць у шахматах, зарэгіструйцеся на Chess.com. Гэта проста і бясплатна!

Яшчэ ад CHESScom
Колькі шахматыстаў у свеце?

Колькі шахматыстаў у свеце?

Лепшае месца для гульні ў шахматы онлайн

Лепшае месца для гульні ў шахматы онлайн