Як размесціць фігуры на дошцы

Як размесціць фігуры на дошцы

Калі ў Вас ёсць шахматы і Вы жадаеце распачаць гульню, першае, што Вам трэба зрабіць, гэта правільна расставіць фігуры на дошцы.

Крок 1: Усталюйце дошку перад сабой так, каб у ніжнім правым куце была белая клетка.
Вельмі важна размесціць дошку правільным бокам, каб фігуры абедзьвюх бакоў стаялі як трэба. Проста памятайце: "белая клетка мусіць быць справа".

Крок 2: Размясціце латнікаў (пешак) на другім шэрагу (гарызанталі).
Калі спачатку размясціць усіх латнікаў, колькасць фігур на стале значна паменее і расставіць астатнія фігуры атрымаецца хутчэй.

Крок 3: Пастаўце ладдзі па кутах.

Лёгка запомніць - ладдзі ўсталёўваюцца па кутах дошкі, як вартавыя вежы па кутах замка.

Крок 4: Размясціце побач з ладдзямі каней. 

Уявіце сабе, што коні дрэнна пахнуць і ў замку іх трымаюць як далей ад караля і візіра (фярзя).

Крок 5: Сланы (афіцэры) стаяць побач з канямі. 

Сланы стаяць паміж коней і караля з візіром. Размясціце іх побач з канямі.

Крок 6: Візір становіцца на клетку свайго колеру. 

Вельмі ВАЖНА, на якую клетку Вы размесціце візіра. Просты спосаб запомніць - убранне візіра павінна быць таго ж колеру, што і клетка, на якой той стаіць. Белы візір знаходзіцца на светлай клетцы, чорны - на цёмнай.

Крок 7: Пакстаўце караля на вольнае поле. 

Цяпер у першым шэрагу засталася толькі адна вольная клетка, якую і займае кароль.

Крок 8: Белыя ходзяць першымі. 

У шахматах гулец з белымі фігурамі заўсёды ходзіць першым. Вы можаце вырашыць, хто гуляе белымі, а хто - чорнымі. Адзін са спосабаў зрабіць гэта - схаваць белага латніка ў адной руцэ за спінай і дазволіць Вашаму суперніку адгадаць, дзе яна.

Хочаце распачаць гульню? Шахматная дошка ўжо ўсталявана для Вас на Chess.com!

Яшчэ ад CHESScom
Колькі шахматыстаў у свеце?

Колькі шахматыстаў у свеце?

Лепшае месца для гульні ў шахматы онлайн

Лепшае месца для гульні ў шахматы онлайн