x
Chess - Play & Learn

Chess.com

FREE - In Google Play

FREE - in Win Phone Store

VIEW
گونش شعری _ استاد جعفری

گونش شعری _ استاد جعفری

artanbay
Feb 13, 2013, 8:42 AM 1,226 Reads 2 Comments

 


گؤزومه سحرده چالان گونش، گؤزه لیم قارادی سن اولماسان

بئله باخما ظاهیر اوزوم گولش، اوره گیم یارادی سن اولماسان

 

قیناما منی او خومار گؤزه، من ازل باخاندا وورولموشام 

اؤز اؤزومله سؤیله رم هر گئجه، بو عؤمور فنادی سن اولماسان

 

گئجه لر آغیردی یاتانمیرام، سنی خاطیریمدن آتانمیرام 

بیلیرم بو عشقیمین آخیری، باشیما بلادی سن اولماسان

 

گئدیرم، دایان... دانیشیم گئدیم، یانیرام ... دانیش ، آلیشیم گئدیم 

هانی کاروان؟ قاریشیم گئدیم، بورا غم سرادی سن اولماسان

 

گئجه اؤد توتور آلیشیر اوره ک، دایاناندا من دانیشیر اوره ک 

چابالیر اسیر چالیشیر اوره ک، ایشیم آه و وادی سن اولماسان

 

وورولوب او دم اوره گیم سنه، یاشاییش جهنم اولوب منه 

منی گر بهشته ده سالسالار، یئنه یؤخدو دادی سن اولماسان

 

دئمه آشنالر آتیب منی، یادا ایشگینیم ده ساتیب منی 

منه کیم وفا ده گر ائیله سه، ائله بیل جفادی سن اولماسان ...

Online Now