Política de privacidade

O texto seguinte non é máis ca unha tradución a efectos informativos. A única versión válida a efectos legais é a dispoñible en Inglés.

Data de entrada en vigor: December 19, 2019

Chess.com, LLC ("nos", "nós", ou "noso") opera o sitio web Chess.com e a aplicación móbil Chess.com (o "Servizo").

Esta páxina infórmache das nosas políticas referidas á recollida, uso e cesión de datos persoais cando utilizas o noso Servizo e ás opcións que tes en relación co tratamento destes datos.

Usamos os teus datos para proporcionar e mellorar o Servizo. Ao utilizar o Servizo, aceptas a recollida e uso de información de acordo con esta política. A menos que se especifique o contrario nesta Política de Privacidade, os termos usados nesta Política de Privacidade significan o mesmo que nos nosos Termos e Condicións.

Definicións

Servizo

"Servizo" refírese ao sitio web Chess.com e á aplicación móbil Chess.com operados por Chess.com, LLC

Datos persoais

"Datos persoais" son os datos sobre un individuo vivo que pode ser identificado a partir deses datos (ou deses datos xunto con outra información no noso poder ou susceptible de chegar ao noso poder).

Datos de uso

"Datos de uso" son os datos recollidos automaticamente que son xerados polo uso do Servizo ou pola propia infraestrutura do Servizo (por exemplo, a duración dunha visita a unha páxina).

Cookies

As "Cookies" son pequenos ficheiros de datos almacenados no teu dispositivo (computadora ou dispositivo móbil).

Responsable dos datos

O "Responsable dos Datos" é a persoa física ou xurídica que (individualmente ou en conxunto con outras persoas) determina a finalidade e a maneira en que calquera información persoal é, ou vai ser, procesada. A efectos desta Política de Privacidade, nós somos o Responsable dos Datos para os teus Datos Persoais.

Procesadores dos datos (ou provedores do servizo)

O "Procesador dos Datos" é a persoa física ou xurídica, incluíndo aos Provedores do Servizo, que procesa os datos en nome do Responsable dos Datos. Nós podemos utilizar os servizos de varios Procesadores de Datos para procesar os teus datos de maneira máis eficiente.

Suxeito dos datos (ou usuario)

O "Suxeito dos Datos" é calquera individuo vivo que utiliza o noso Servizo e é o suxeito dos Datos Persoais.

Recollida e uso da información

Recollemos diferentes tipos de datos con diversas finalidades para prestar e mellorar o Servizo que che ofrecemos.

Tipos de datos recollidos

Datos persoais

Ao utilizar o noso Servizo, podemos pedirche que nos proporciones algunha información de identificación persoal que pode ser usada para contactar contigo ou para identificarte ("Datos Persoais"). A información de identificación persoal pode incluír, entre outros datos:

  • Información necesaria (nome de usuario en Chess.com e un enderezo email ou un ID público de Google ou Facebook)
  • Información opcional (nome, apelidos e outros datos persoais)
  • Cookies e datos de uso

Podemos usar os teus datos persoais para enviarche boletíns informativos, material de márketing ou promocional e outra información que poida ser do teu interese. Podes optar por non recibir algunha ou ningunha destas comunicacións mediante a ligazón para dar de baixa a subscrición ou seguindo as instrucións incluídas en cada email que enviamos, ou contactando connosco.

Datos de uso

Tamén podemos recoller datos que o teu navegador envía cada vez que visitas o noso Servizo ou cando accedes ao Servizo desde o teu dispositivo móbil ("Datos de uso").

Estes datos de uso poden incluír informacións coma o enderezo de Protocolo de Internet da túa computadora (o enderezo IP), o tipo de navegador, a versión do navegador, as páxinas do noso Servizo que visitas, a hora e data da túa visita, o tempo que pasas nesas páxinas, identificadores únicos dos dispositivos e outros datos de diagnose.

Cando accedes ao Servizo mediante un dispositivo móbil, estes Datos de Uso poden incluír información coma o tipo de dispositivo móbil que utilizas, o ID único do teu dispositivo móbil, o enderezo IP do teu dispositivo móbil, o sistema operativo do teu dispositivo móbil, o tipo de navegador de Internet móbil que utilizas, identificadores únicos do teu dispositivo e outros datos de diagnose.

Datos de cookies de seguimento

Utilizamos cookies e outras tecnoloxías de seguimento similares para seguir a actividade no noso Servizo e conservar certa información.

As "Cookies" son ficheiros con pequenas cantidades de datos que poden incluír un identificador único anónimo. As cookies envíanse ao teu navegador dende un sitio web e almacénanse no teu dispositivo. Outras tecnoloxías de seguimento que tamén usamos son balizas, etiquetas e scripts para recoller e rastrexar información para mellorar e analizar o noso Servizo.

Podes indicarlle ao teu navegador que rexeite todas as cookies ou que che informe cada vez que se envía unha cookie. Porén, se non aceptas as cookies, pode ser que non poidas utilizar parte do noso Servizo.

Exemplos de cookies que utilizamos:

  • Cookies da sesión. Utilizamos cookies da sesión para manter a túa sesión aberta no noso Servizo.
  • Cookies de preferencias. Utilizamos cookies de preferencias para lembrar as túas preferencias e diversas configuracións.
  • Cookies de seguridade. Utilizamos cookies de seguridade para fins de seguridade.
  • Cookies publicitarias. As cookies publicitarias utilízanse para ofrecerche anuncios máis relevantes para ti e os teus intereses. Podes optar por non usar estas cookies visitando a política de privacidade na rede dos contidos e anuncios de Google en http://www.privacychoice.org/companies ou http://www.aboutads.info/choices. Para saber máis acerca desta práctica de publicidade condutista ou para desactivar este tipo de publicidade, podes visitar www.networkadvertising.org.

Uso dos datos

Chess.com, LLC utiliza os datos recollidos para diversas finalidades:

  • Para personalizar a publicidade e os contidos que ves
  • Para prestar e manter o noso Servizo
  • Para informarte sobre os cambios no noso Servizo
  • Para que poidas participar nas opcións interactivas do noso Servizo cando decidas facelo
  • Para prestar asistencia ao usuario
  • Para recompilar análises e outra información valiosa que nos permita mellorar o noso Servizo
  • Para supervisar o uso do noso Servizo
  • Para detectar, previr e resolver problemas técnicos
  • Para proporcionarche noticias, ofertas especiais e información xeral sobre outros bens, servizos e eventos que ofrecemos e que son semellantes aos que xa compraches ou polos que mostraches interese, a menos que optaras por non recibir tal información
  • Para realizar investigacións e informes agregados e anonimizados sobre a nosa comunidade xeral de usuarios para uso interno e clientes externos.

Se es cidadán do Espazo Económico Europeo (EEE), as bases legais de Chess.com, LLC para o tratamento de datos personais descrito nesta Política de Privacidade, depende dos datos persoais recollidos e do contexto específico en que os recollemos.

Chess.com, LLC pode tratar os teus datos persoais porque:

  • Precisamos formalizar un contrato contigo
  • Déchesnos permiso para facelo
  • Para procesar un pago
  • Para cumprir coa lei

Conservación dos datos

Chess.com, LLC conservará os teus datos persoais só polo tempo necesario para os fins expostos nesta Política de Privacidade. Conservaremos e utilizaremos os teus datos persoais o estritamente necesario para cumprir coas nosas obrigas legais (por exemplo, se se nos require conservar os teus datos para cumprir coas leis aplicables), resolver disputas e facer cumprir os nosos acordos e políticas legais.

Chess.com, LLC conservará tamén os datos de uso para análise interna. Os datos de uso consérvanse xeralmente por un corto período de tempo, agás cando son datos utilizados para aumentar a seguridade ou mellorar a funcionalidade do noso Servizo ou se estamos obrigados pola lei a conservar estes datos por períodos de tempo maiores.

Transferencia de datos

A túa información, incluídos os teus datos persoais, poden ser transferidos a (e conservados en) computadoras localizadas fóra do teu estado, provincia, país ou outra xurisdición gobernamental onde as leis de protección de datos poden ser diferentes ás da túa xurisdición.

Se non resides nos Estados Unidos e decides facilitarnos información, debes ter en conta que transferimos os datos, incluídos os datos persoais, aos Estados Unidos e os tratamos alí.

O teu consentimento a esta Política de Privacidade, e a remisión dos teus datos, significa que estás de acordo con esta transferencia.

Chess.com, LLC tomará todas as medidas razoablemente necesarias para garantir o tratamento seguro dos teus datos e de acordo con esta Política de Privacidade. Non se realizará ningunha transferencia dos teus datos persoais a ningunha organización ou país que non poida garantir un tratamento adecuado e seguro dos teus datos e demais información persoal.

Cesión de datos

Transacción comercial

Se Chess.com, LLC se ve envolto nunha operación de fusión, adquisición ou venta de activos, os teus Datos Persoais poden ser transferidos. Informarémosche antes de que os teus Datos Persoais sexan transferidos e queden suxeitos a unha política de privacidade diferente.

Cesión por imperativo legal

En determinadas circunstancias, Chess.com, LLC pode ser obrigado a ceder os teus datos persoais se así o require a lei ou en resposta a solicitudes formais das autoridades públicas (por exemplo, un tribunal ou unha axencia gobernamental).

Condicións legais

Chess.com, LLC pode ceder os teus datos persoais se considera de boa fe que pode ser necesario para:

  • Para cumprir cunha obriga legal
  • Para protexer e defender os dereitos ou a propiedade de Chess.com, LLC
  • Para previr ou investigar posibles transgresións relacionadas co Servizo
  • Para protexer a seguridade persoal dos usuarios do Servizo ou do público
  • Para protexerse da responsabilidade legal

Seguridade dos datos

A seguridade dos teus datos é importante para nós, pero lembra que ningún método de transmisión por Internet ou de almacenamento electrónico é seguro ao 100%. Se ben nos esforzamos por utilizar medios comercialmente aceptables para protexer os teus datos persoais, non podemos garantir a seguridade absoluta.

Sinais "anti rastrexo"

Non nos facemos cargo do rastrexo. As preferencias anti rastrexo pódense configurar no teu navegador para informar aos sitios web que non queres ser rastrexado.

Podes activar ou desactivar o anti rastrexo na páxina de preferencias ou configuración do teu navegador.

Os teus dereitos de protección de datos segundo o Regulamento Xeral de Protección de Datos (RXPD)

Se es residente no Espazo Económico Europeo (EEE), tes certos dereitos de protección de datos. Chess.com, LLC procura tomar medidas razoables que che permitan corrixir, emendar, eliminar ou limitar a utilización dos teus datos persoais.

Se desexas recibir información acerca dos datos persoais que temos sobre ti, ou se queres que os eliminemos do noso sistema, por favor contacta connosco.

Podes modificar a infomación da túa conta de Chess.com en calquera momento. En determinadas circunstancias, dispós dos seguintes dereitos de protección de datos:

  • O dereito de acceso, actualización ou eliminación da información que temos sobre ti. Sempre que sexa posible, podes acceder, actualizar ou solicitar a eliminación dos teus datos persoais directamente na sección de configuración da túa conta. Se non es quen de facelo ti mesmo, contacta connosco e botámosche unha man.
  • O dereito de rectificación. Tes o dereito a que se rectifique a túa información se tal información non é precisa ou está incompleta.
  • O dereito de obxección. Tes o dereito a opoñerte ao procesamento dos teus datos persoais.
  • O dereito de restrición. Tes o dereito a solicitar que restrinxamos o tratamento dos teus datos persoais.
  • O dereito á portabilidade dos datos. Tes o dereito a recibir unha copia da información que temos sobre ti, nun formato estruturado, lexible por computadora e de uso común.
  • O dereito a retirar o consentimento. Tamén tes o dereito a retirar o teu consentimento en calquera momento no que Chess.com, LLC confiara no teu consentimento para o tratamento dos teus datos persoais.

Ten en conta que podemos pedirche que verifiques a túa identidade antes de dar resposta a ese tipo de solicitudes.

Tes o dereito a presentar unha reclamación ante a Autoridade de Protección de Datos sobre o noso procedemento de recollida e tratamento dos teus datos persoais. Para máis información, contacta coa túa autoridade local en materia de protección de datos no Espazo Económico Europeo (EEE).

Provedores de servizos

Podemos contratar empresas ou persoas externas para facilitar a prestación do noso Servizo ("provedores de servizos"), incluídos procesadores de datos, para proporcionar o Servizo no noso nome, para prestar servizos relacionados co Servizo, ou para axudarnos a analizar como se utiliza o noso servizo.

Estes terceiros teñen acceso aos teus datos persoais só para facer estes traballos no noso nome e teñen a obriga de non os divulgar ou utilizar para ningunha outra cousa.

Analítica

Podemos utilizar provedores de servizos externos para supervisar e analizar a utilización do noso Servizo.

Amplitude

Amplitude e un servizo de análise web que fai seguimento e informa do tráfico nos sitios web. Utiliza os datos recollidos para seguir e supervisar a utilización do noso Servizo.

Publicidade

Podemos utilizar provedores de servizos externos para mostrarche anuncios que nos axudan a soster e manter o noso servizo.

Cookie de dobre clic de Google AdSense

Google, coma provedor externo, utiliza cookies para publicar anuncios no noso Servizo. A utilización por Google da cookie dobre clic, permítelle a Google e aos seus asociados publicar anuncios para os nosos usuarios baseados nas súas visitas ao noso Servizo e a outros sitios web en Internet.

Podes desactivar a cookie dobre clic para publicidade baseada nos intereses dende a páxina web de Configuración de Anuncios de Google: http://www.google.com/ads/preferences.

Pagamento

Podemos proporcionar produtos e servizos de pago dentro do Servizo. Nese caso, utilizamos servizos de terceiros para o procesamento dos pagos (por exemplo, procesadores de pagos).

Non recollemos nin rexistramos os datos da túa tarxeta de crédito. Esa información é proporcionada directamente aos nosos procesadores de pagos externos que xestionan o tratamento dos teus datos persoais segundo a súa propia política de privacidade. Eses procesadores de pagos adhírense ás normas fixadas polo PCI-DSS (Estándar de Seguridade dos Datos para a Industria das Tarxetas de Pago) xestionados polo Consello de Normas de Seguridade da Industria de Tarxetas de Pago (PCI Security Standards Council), que é un esforzo conxunto de marcas coma Visa, Mastercard, American Express e Discover. Os requisitos do PCI-DSS garanten un tratamento seguro dos datos de pago.

Os procesadores de pagos cos que traballamos son:

Pagos na aplicación de Apple Store

Podes consultar a súa política de privacidade en https://www.apple.com/legal/privacy/en-ww

Pagos na aplicación de Google Play

Podes consultar a súa política de privacidade en https://www.google.com/policies/privacy

Adyen

Podes consultar a súa política de privacidade en https://docs.adyen.com/legal/terms-conditions

PayPal

Podes consultar a súa política de privacidade en https://www.paypal.com/webapps/mpp/ua/privacy-full

O noso Servizo pode conter ligazóns a outros sitios web que non operamos nós. Se fas clic nunha ligazón dun terceiro serás redirixido ao sitio web dese terceiro. Recomendámosche encarecidamente que revises a política de privacidade de cada sitio web que visites.

Non temos ningún control nin asumimos ningunha responsabilidade polos contidos, as políticas de privacidade ou as prácticas dos sitios web ou dos servizos de terceiros.

Privacidade dos nenos

Chess.com non se dirixe a ninguén menor de 18 anos ("nenos") para a utilización do noso Servizo.

Non recollemos de maneira consciente información persoal de ningún menor de 18 anos. Se es pai ou titor e tes coñecemento de que os teus nenos proporcionáronnos datos persoais, contacta connosco. Se temos coñecemento de que recollimos datos persoais de nenos sen o consentimento dos seus pais, tomamos as medidas necesarias para eliminar esa información dos nosos servidores.

COMUNICADO DE PRIVACIDADE PARA RESIDENTES EN CALIFORNIA

Este Comunicado de Privacidade para Residentes en California complementa a información contida na nosa Política de Privacidade e aplícase tan só aos visitantes, usuarios e demais persoas que residen no Estado de California. Engadimos este comunicado para cumprir coa Lei de Privacidade do Consumidor de California de 2018 (LPCC). Todos os termos definidos na LPCC teñen o mesmo significado cando se utilizan neste comunicado.

Os teus dereitos e opcións

A LPCC proporciona aos consumidores (residentes en California) dereitos específicos en relación coa súa información persoal. A efectos do Comunicado de Privacidade para Residentes en California, a información persoal inclúe "Datos Persoais", "Datos de Uso" e "Cookies" tal e como veñen definidos estes termos nesta Política de Privacidade. Esta sección describe os dereitos que che confire a LPCC e explícache como podes exercer estes dereitos.

Acceso a información específica e dereitos de portabilidade dos datos

Tes dereito a solicitar que che facilitemos certa información sobre a túa información persoal recollida e utilizada por nós nos últimos 12 meses, agás a que estea suxeita a algunha excepción pola LPCC.

Dereitos de solicitude de borrado

Tamén tes dereito a solicitar que eliminemos calquera información persoal sobre ti que recolléramos e conserváramos, con algunhas excepcións.

Exercicio dos dereitos de acceso, portabilidade dos datos e borrado

Para exercer os teus dereitos de acceso, portabilidade dos datos ou borrado, que acabamos de describir, remítenos unha solicitude de usuario verificable por:

Teléfono: 1 (800) 318-2827 Ext. 121
Email: support@chess.com
Enderezo postal:
Chess.com, LLC
877 E 1200 S #970397
Orem, UT 94097

Para ser verificable, a túa solicitude debe:

  • Proporcionar información suficiente que razoablemente nos permita verificar que es a persoa da que recollimos os datos ou un representante autorizado.
  • Describir a túa petición con suficiente claridade para que poidamos comprendela, estudala e respondela de maneira axeitada.

Non podemos responder á túa solicitude nin proporcionarche información persoal se non podemos verificar a túa identidade ou autoridade para facer esa solicitude ou confirmar que a información persoal que solicitas ten relación contigo.

So ti, ou unha persoa que autorices a actuar no teu nome ante a Secretaría do Estado de California, podes facer unha solicitude verificable de usuario relacionada coa túa información persoal. Tamén podes facer unha solicitude verificable de usuario en nome do teu fillo menor.

Non discriminación

Non che imos discriminar por exercer calquera dos teus dereitos da LPCC. A menos que a LPCC o permita, nós: (i) non che denegaremos bens ou servizos; (ii) non che cobraremos prezos ou tarifas diferentes polos bens e servizos, incluíndo a concesión de descontos ou outros beneficios ou a imposición de sancións; (iii) non che proporcionaremos un nivel de calidade diferente de bens ou servizos; ou (iv) non suxeriremos que poidas recibir un prezo ou tarifa diferente polos bens ou servizos, ou un nivel de calidade diferente dos bens ou servizos.

Venda da túa información persoal

Non vendemos a túa información persoal a terceiros coma negocio ou con finalidade comercial nos 12 meses anteriores á entrada en vigor desta Política de Privacidade, entendendo o termo "vender" co significado que lle dá a LPCC.

Información persoal que recollemos, usamos e cedemos

A LPCC especifica diferentes categorías de información persoal protexida pola LPCC. O seguinte informa sobre a información persoal que recollemos en cada categoría e as fontes destes datos. Para obter información adicional acerca da información persoal que recollemos no presente ou nos 12 meses anteriores á data de efecto da nosa Política de Privacidade vai ao apartado "Tipos de datos recollidos" da nosa Política de Privacidade. Podemos utilizar información persoal para fins comerciais descritos no apartado "Uso dos datos" da nosa Política de Privacidade. Para obter información sobre como compartimos a túa información persoal vai aos apartados "Cesión de datos", "Provedores de sevizos", "Analítica" e "Publicidade" da nosa Política de Privacidade.

Categoría de información persoal Info. persoal que recollemos nesta categoría Fontes da info. persoal
  1. Identificadores
  • Un nome real ou alias
  • Enderezo(s) de Protocolo de Internet (IP)
  • Enderezo email
  • Nome da conta (nome de usuario) ou outro identificador similar
  • Tokens de notificacións push do móbil
  • Para algunhas contas pódense recompilar identificadores específicos de terceiros relacionados cos servizos de xadrez (por exemplo, o número de identificación da FIDE ou da USCF)
  • Información que nos proporcionas
  • Información que recollemos automaticamente
  • Provedor de servizos externo
  1. Categorías de información persoal enumeradas no estatuto dos Rexistros de Clientes de California (Código Civil de California § 1798.80(e))
  • non aplicable
  • non aplicable
  1. Características de clasificación protexidas pola pola lei de California ou pola lei federal dos Estados Unidos
  • non aplicable
  • non aplicable
  1. Información comercial
  • non aplicable
  • non aplicable
  1. Información biométrica
  • non aplicable
  • non aplicable
  1. Actividade en Internet ou noutra rede similar
  • Historial de navegación só en Chess.com
  • Información que recollemos automaticamente
  • Provedor de servizos externo
  1. Datos de xeolocalización
  • non aplicable
  • non aplicable
  1. Datos sensoriais
  • non aplicable
  • non aplicable
  1. Información profesional ou relacionada co emprego
  • non aplicable
  • non aplicable
  1. Información non pública sobre a educación (pola Lei de Privacidade e Dereitos Educacionais da Familia (20 U.S.C. Sección 1232g, 34 C.F.R. Parte 99))
  • non aplicable
  • non aplicable
  1. Conclusións extraídas doutros datos persoais
  • non aplicable
  • non aplicable

INFORMACIÓN DE CONTACTO

Se tes algunha pregunta ou comentario acerca deste comunicado ou sobre como Chess.com, LLC recolle e utiliza a túa información segundo se describe na Política de Privacidade ou se queres exercer os teus dereitos pola lei de California, non dubides en poñerte en contacto connosco en:

Teléfono: 1 (800) 318-2827 Ext. 121
Email: support@chess.com
Enderezo postal:
Chess.com, LLC
877 E 1200 S #970397
Orem, UT 94097

AVISO DE CAMBIOS NESTA POLÍTICA DE PRIVACIDADE

Reservámonos o dereito a modificar a nosa Política de Privacidade a discreción en calquera momento. Cando fagamos cambios na nosa Política de Privacidade, nós (i) farémoscho saber por email e/ou un aviso destacado nos nosos Servizos e (ii) publicaremos a Política de Privacidade actualizada no sitio web e actualizaremos a data de entrada en vigor. É recomendable revisar esta Política de Privacidade periodicamente ante posibles cambios.

O uso continuado de noso sitio web despois da publicación das modificacións significa que aceptas eses cambios.