2020chess. Сезон 21/22. 1 раўнд

Наша каманда Мінск у другі раз прымае ўдзел у сусветным турніры па жывых шахматах на https://www.2020chess.com, які праводзіцца на платформе chess.com У турніры зарэгістраваны, з большага, каманды гарадоў і ўнівесітэтскія каманды, але ж ёсць і каманды, якія прадстаўляюць цэлую краіну.

У папярэднім сезоне прымала удзел 127 каманд з усяго свету. Мы былі 67-мі.

Сёлета гуляе 136 каманд.

Усе каманды будуць аб'яднаны ў адну швайцарскую сістэмную лігу на 10 тураў, якая пройдзе на працягу 11 месяцаў з верасня 2021 года па жнівень 2022 года. Пасля таго, як усе гульні раўнда будуць завершаны да вызначанага тэрміну, будзе зроблена жараб'ёўка наступнага раўнда. Гульні, пераважна праходзяць па нядзелям ці чацвяргам.

Кантроль часу матчаў 10+5 (ці 10+2, 10+0 па дамоўленнасці капітанаў). 1-бал перамога, 0,5 – нічча. Усяго 2 матчы прыблізнай працягласццю 20 хвілін, адсюль і назва турніра  - 2020chess.

Колькасць гульцоў на матчы заяўляецца загаддзя. Мінімальная колькасць 4 гульцы. Але можа быць і больш, па дамоўленнасці. Удзельнічаць у кожным матчы не абавязкова, але абавязкова ўдзельнічаць у матчах, на якія вы заяўленыя. За недахоп гульцоў на заяўленных сталах залічваюцца паразы.

Падрабязней тут: https://www.chess.com/be/news/view/turnir-pa-zhyvykh-shakhmatakh-2020chess

Першы раўнд адбудзецца ў нядзелю 19 верасня а 21.00 з Паўднёваафрыканскай камандай Anti-Lizards з Яганэсбурга. Каманда невялікая, створаная адмыслова пад гэты турнір; 4 гульцы (адзін КМС, адзін МС, і 2 райтынгам 1800, 2000).

Відавочна, каб яе перамагчы, нам патрэбны 4 моцных гульцы адпаведнага рэйтынга. Адпішыцеся, калі ласка, пад навіной, хто можа згуляць.

https://www.chess.com/play/match/902327?action=undefined&clubId=29082

Калі ласка, далучайцеся!

Вынікі мінулага сезона