Javohir Sindarov

Javohir Sindarov Jahon kubogi g‘olibi bo‘ldi
O‘zbekistonlik shaxmatchi Javohir Sindarov Hindistonning Goa shahrida bo‘lib o‘tgan Jahon kubogi g‘olibi bo‘ldi. U finalda xitoylik grossmeyster Vey Yini mag‘lub etdi.

Grossmeyster Javohir Sindarov Hindistonning Goa shahrida bo‘lib o‘tayotgan jahon chempionatida g‘alaba g‘ozondi. U xitoylik Vey Yini tay-breykda mag‘lub etdi.

Javohir Sindarov (reytingi 2721, 25-o‘rin) hamda Vey Yi (Xitoy, reytingi 2752, 11-o‘rin) o‘rtasida bo‘lib o‘tgan uchrashuvlar 1:1 hisobidagi durang natija bilan yakunlandi. Tay-breyklarning birinchisida ham durang qayd etildi, ikkinchi tay-breykda Sindarov raqibining xatosidan foydalanib, g‘alabani qo‘lga kiritdi. Ikkala finalchi ham 2026-yilgi Nomzodlar turniriga yo‘llanma oldi.

Shuningdek, Sindarov 120 ming dollar mukofot puliga ega bo‘ladi.

Avvalroq uchinchi o‘rin uchun kechgan bahsda rossiyalik Andrey Yesipenko o‘zbekistonlik Nodirbek Yoqubboyevni mag‘lubiyatga uchratib, Nomzodlar musobaqasiga yo‘llanma olgandi.

Sindarov — dunyoning eng yosh grossmeysterlaridan biri. 2022-yilda O‘zbekiston terma jamoasi tarkibida Butunjahon shaxmat olimpiadasida g‘olib chiqdi. 26 yoshli xitoylik grossmeyster Vey Yi Xitoy terma jamoasi tarkibida 2014-yilgi Olimpiada g‘olibiga aylangandi.

Manba: gazeta.uz