Колькі шахматыстаў у свеце?

Колькі шахматыстаў у свеце?

"Ніхто не ведае, нават прыблізна, колькі людзей гуляе ў шахматы, і ніхто не павінен прыкідвацца, што ведае"- Эдвард Ўінтар1

Ці з'яўляюцца шахматы самай папулярнай гульнёй у свеце?

Хоць ніхто не можа сказаць пэўна, прапануем некаторыя падлікі колькасці шахматыстаў, карыстальнікаў Chess.com, удзельнікаў турніраў і гросмайстраў.

Усяго гульцоў: 600 000 000

TСамы папулярны метад падліку колькасці людзей, якія на працягу папярэдняга году згулялі як найменей адну партыю ў шахматы быў прапанаваны ФІДЭ (Міжнароднай Шахматнай Федэрацыяй) у 2012 годзе2. Колькасць была вызначана з дадзеных апытання YouGov.

Іншыя методыкі падліку даюць лічбы ад нерэальнага мільярду да мізэрных 200-300 мільёнаў, якія фігуравалі ў папярэдніх ацэнках ФІДЭ3. Хоць ніхто ніколі не зможа дакладна вызначыць рэальную колькасць гульцоў, зразумела, што шахматы - адна з самых папулярных гульняў у свеце сёння і ў мінулым.

Chess Players In Central Park | Robert Hess

Шахматысты запаўняюць Цэнтральны Парк Нью-Ёрка. / Фота: Роберт Хэсс.

Удзельнікі Chess.com: 20 000 000+

На момант стварэння дадзенага артыкула, колькасць удзельнікаў Chess.com перавысіла 20 000 000. Колькасць удзельнікаў Chess.com заўсёды бачна на стартавай старонцы Chess.com.

Больш за мільён гульцоў карыстаюцца сайтам штодня. Нягледзячы на тое, што Chess.com з’яўляецца самым папулярным шахматным сайтам і мабільным дадатакам у свеце (і на нашу думку лепшым!), ёсць таксама шмат мільёнаў гульцоў, якія гуляюць у шахматы рэгулярна на іншых сайтах, дадатках, і за рэальнай дошкай.

Хочаце самі паспрабаваць Chess.com? Станьце ўдзельнікам задарма сёння!

20,000,000 members on Chess.com

Гульцы турніраў: 360 000+

У базе дадзеных удзельнікаў ФІДЭ больш 360 000 актыўных гульцоў4. Шахматысты рэгіструюцца ў ФІДЭ, калі яны спаборнічаюць у міжнародных рэйтынгавых імпрэзах. У той час, як падобныя спаборніцтвы звычайна адкрыты для ўсіх зацікаўленых гульцоў, толькі самыя сур'ёзныя шахматысты звычайна прасоўваюцца на гэты ўзровень.

У склад ФІДЭ ўваходзяць каля 185 дзяржаў5. Шмат хто з гэтых дзяржаў-удзельнікаў вядуць свае ўласныя спісы зарэгістраваных на нацыянальным узроўні гульцоў турніраў. Прыкладам, у 2016 годзе Федэрацыя шахмат ЗША паведаміла, што ў яе складзе налічвалася больш за 85 000 зарэгістраваных ўдзельнікаў турніраў6. Толькі частка з іх зарэгістравана на міжнародным узроўні ў ФІДЭ.

FIDE Chess

Гросмайстраў: 1 594

Самы высокі тытул у шахматах гэта гросмайстар (Міжнародны гросмайстар), тытул, што прысуджаецца ФІДЭ7. Каб заслужыць тытул гросмайстра, шахматыст павінен дасягнуць вельмі высокага ўзроўня, выканаўшы тры "нормы гросмайстра" і дасягнуўшы рэйтынгу Эло мінімум 2500 пунктаў. Толькі невялікі адсотак гульцоў турніру дасягае гэтага ўзроўня.

На момант напісання артыкула ў свеце налічвалася 1594 гросмайстры. З іх 1 559 мужчын і 35жанчын. Гэта падзел адпавядае суадносінам колькасці мужчын і кабет, якія гуляюць у шахматы.

Judit Polgar

Юдыт Полгар атрымала званне Міжнароднага гросмайстра ва ўзросце 15 гадоў і 4 месяцаў. У той час яна была наймалодшым гросмайстрам у гісторыі. | Фота: Wikipedia.

Цытаты:

  1. Edward Winter on counting chess players
  2. FIDE press release
  3. David Kaplan, CEO of Development for FIDE
  4. FIDE member list
  5. FIDE
  6. US Chess
  7. Grandmaster
Яшчэ ад CHESScom
Лепшае месца для гульні ў шахматы онлайн

Лепшае месца для гульні ў шахматы онлайн

Які шахматны сайт самы лепшы?

Які шахматны сайт самы лепшы?