|
2
أنا راجل غلبان وعندى كوم عيال وأمى ست مريضة
عايش على الحمد والرضا بالقليلة وباكل لقمتى بعرق جبينى ....... أحسن ماأمد إيدى
والرزق على الله مافيش جدال ... وسعيى على لقمتى كان هو كل راسمالى ودنيتى
وفى يوم 25 يناير صحيت اسعى قالولى بلاش النهارده دهـ الشباب بينادى ب الإصلاح والتغيير
واحتمال تبقى ثورة ويمكن تروح فى الرجلين
حاسب على نفسك وارجع لأولادك معافى سليم
قلت شباب بينادى بالتغيير من بعد ماصبرنا سنين وسنين
قلت لازم اضم صوتى لصوتهم لأجل مانبقى كتير
ولاقييت نفسى معاهم صوت قوى وجريء حر
وبقول كلمتى من بعد مادقت العلقم المر
أصل أنا ياما شفت فى دنيتى ياما كتير من الظلم
وأسألونى أنا العجوزعن الأسى والمر
وسنين ورا سنين كان الفساد ليها بيجر
وماعادش فيه إحتمال نخليه يعدى كدة و يمر
بدون وقفة إحتجاج ولمطالبنا نقف فى التحرير و نصر
صح النوم يانوابنا كفاياكم نوم ياللى نسيتوا شبابنا
حرام عليكم اللى عملتوه ........ وظلمتوا أولادنا
البجاحة ويا الآباحة كانت لغتكم ... والغش والتدليس أدواتكم .....والرشاوى تسموها إكرامية...دا خلاف ألاعيبكم >>>م
ولكل صفقة طبعا عمولة ...فك عن نفسك ياعم وحل الصامولة ..... والفهلوة والأونطة إشتروها من السوق
أيوهـ هى دى البضاعة بتاعتهم ياعم مرزوق....
والله الشباب دول ليهم حق لما يقفوا ويقولوا للطوفان لأ
