مصر فى عيون ابنائها موديل قديم
فى وجه هذه السيدة العجوز تستشعر التاريخ والزمن وانتى يامصر لازلت صامدة فى وجه الشدائد والمحن
يامصر ياطيبة من عجين طينك صنعتى
لأولادك كحك وغُريبة
بيرودوا الجميل ليكى بحرق القاهرة
والاحترام بينهم صار ماضى فى الذاكرة
والكل عايز حقه فيكى وانتى عليهم صابرة
وحقك انتى مين يدهولك من سنين غابرة
مافيش لارحمة ولاشفقة
لأنك بالخير مليانة وعامرة
اسألوا اهلها فى الغيطان والاديرة
وفى المصانع والجوامع دموعى حائرة
ليه اللى بيجرا مابينا والحب كان حتة منا
اختفى وحل محله مولوتوف وخرطوش
وخناقة على شوية مية ورية شادوف
وخليتوا الخناق بينكم اللى مايسمع يامايشوف
اختشوا على دمكم وقولوا كفاية
هو احنا كدة بقينا لبانة وحكاية
امتى الحال يتغير وتعيشى بكرامة
معلش الوقت اصله قصير
والعصر صار عصر السرعة وماعنديش وقت اتغير
كل شىء بزرار راح بيتغير انتى اللى لوحدك موضة قديمة وصرتى عجوزة وموديلك ياحبيبتى لازم يتغير
