انت برضه مش عايش
والله زمان يادنيا مافيش حد ثابت على حاله
والآشيا معدن وكنا عايشين فى خيره
وفجأة الحال اتغير والزمن مهما طال قصير
يادوب اقضى وقتى وارجع لاولادى وام عيالى
لااعرف مين ده وليه وعشان ايه
المهم عندى إزاى اجيب جنيه
مشغول بلقمتى وبهيبتى فى حتيتى
أشوف المخالفة والغلط ولايعنينى شىء لو اتظبط
الريس الله يحميه فى قلبى من جوا
سياسته سايس أمورك يابنى انت وهو
ولاتسألونى عن زيادة فى المعايش
اتصرف بس من غير ماأكون شايف
تسرق تاخد رشوة دى سكتك وانت عارف
وانا زيك عارف سكتى بس انت خايف
الفرق بينى وبينك انك مهما تغتنى برضه مش عايش
