Як стаць добрым шахматыстам

Як стаць добрым шахматыстам

Мільёны людзей ва ўсім свеце рэгулярна гуляюць у шахматы, аднак як стаць добрым гульцом?

1. Вызначце, што для Вас значыць "добры шахматыст". 
Для  некаторых людзей "добры шахматыст" значыць "здольны перамагчы гульца сярэдняга ўзроўню". Калі такое вызначэнне Вам даспадобы, дастаткова добрым для Вас будзе рэйтынг у раёне 1200-1400 пунктаў. На гэтым узроўні Вы зможаце перамагаць у людзей, якія проста ведаюць правілы гульні. Для кагосьці быць "добрым шахматыстам" значыць перамагаць гульцоў, якія ўжо гуляюць на працягу некалькіх гадоў. У гэтым выпадку Вам трэба дасягнуць рэйтынгу 1600 і вышэй.

Ёсць і тыя, для каго гэта значыць "ніколі не прайграваць" ці "перамагаць амаль усіх супернікаў". Насамрэч... гэта проста немагчыма! Бо Вы - не Магнус Карлсан, Вы будзеце многа перамагаць, але і многа прайграваць. Пастаўце перад сабой разумную мэту і імкніцеся да яе!

2. Вырашайце як мага больш тактычных заданняў.

Гэта адзін з самых лепшых спосабаў палепшыць свой шахматны ўзровень і бачанне дошкі. Калі Вы бачаце, што адбываецца ў партыі і заўважаеце памылкі ў гульні суперніка, то ў Вас нашмат больш шансаў на перамогу. Можаце адточваць свае тактычныя навыкі з дапамогай нашага Трэнажора тактыкі.

3. Заўсёды аналізуйце свае партыі з дапамогай камп'ютарнага аналізу. 

Цяжка стаць добрым шахматыстам, калі проста гуляць, не аналізуючы праведзеныя Вамі партыі. У працэсе навучання шахматам трэба разглядаць уласныя партыі як інструмент, які дапамагае ўбачыць як свае памылкі, так і добрыя хады. Chess.com прапануе аўтаматычны камп'ютарны аналіз, які дапаможа Вам зразумець, наколькі добра Вы згулялі.

Проста націсніце на "Камп'ютарны аналіз" па завяршэнні любой партыі.

4. Стварыце навучальны план. 

Маючы план і прытрымліваючыся яго, Вы павялічваеце свае шансы на перамогу. Можаце стварыць свой уласны навучальны план і графік альбо скарыстацца бясплатнымі навучальнымі планамі Chess.com.


5. Набярыцеся цярпення.
 

Добрым шахматыстам хутка не становяцца. Шахматы - сур'ёзная глыбокая гульня, якая патрабуе многіх гадоў навучання і практыкі. Пастарайцеся не засмучвацца ад памылак і паразаў - яны з'яўляюцца неад'емнай часткай Вашай дарогі да поспеху!

Для большасці людзей паляпшэнне шахматнага майстэрства - гэта няспынны працэс. Паняцце "добры шахматыст" расце разам з ростам шахматыста. Таму проста атрымлівайце асалоду ад гульні, на якім ўзроўні Вы б не гулялі.

Калі Вы шукаеце ў сетцы шахматны онлайн-рэсурс, дзе Вам дапамогуць стаць "добрым шахматыстам", далучайцеся да Chess.com сёння.

Яшчэ ад CHESScom
Колькі шахматыстаў у свеце?

Колькі шахматыстаў у свеце?

Лепшае месца для гульні ў шахматы онлайн

Лепшае месца для гульні ў шахматы онлайн