Mourning :-(
Sort:
أبوالعلا ماضي: لا ضرورة لوجود مبارك في المركز الطبي العالمي
الداخلية: لا نريد أن نخسر ثائرا ونلتزم بضبط النفس لأقصى درجة
الأمن يحبط محاولة اقتحام محكمة العباسية والاطفاء تخمد حريق الفلكى
محافظ الجيزة يفوض الشباب لمتابعة ومراقبة مستوى الخدمات
حريق خط غاز العريش بلا ضحايا والمحافظ يؤكد أنه التفجير الأشد
كل ده بيحصل لإنه مافيش تطهير حدث بعد قيام الثورة
السور ده جميل جدا علشان بيفكرني بالتصميم و الإصرار إللي في قلب كل مواطن شريف بيعشق مصر بجد و مصمم علي العبور إلي مصر الحرة
لقد تم عسكرة المكان الذى لى معه ذكريات جميلة
kawazaki wrote:
السور ده جميل جدا علشان بيفكرني بالتصميم و الإصرار إللي في قلب كل مواطن شريف بيعشق مصر بجد و مصمم علي العبور إلي مصر الحرة
المعني في بطن الشاعر يا ميتو
السور ده حا يطلع ورد و فل و ياسمين يا ميتو و بكرة حا تشم ريحتهم و صدرك حا يرقص مع هذا العبير النظيف
إنت شايفه سور... و أنا شايف إللي جوة السور
mitto wrote:
لقد تم عسكرة المكان الذى لى معه ذكريات جميلة
باب اللوق , عابدين , شارع البورصة , الفلكي , شاهين بتاع الفسيخ , صبري أبو علم , الفوالة , العشماوي , حسن الأكبر , أتوبيس 13 , مكتبة مدبولي , كافية ريتش , فلفلة , شارع رشدي , ناصية محمد محمود , ستوديو العريس . شامبليون , جواد حسني و بتاع السجاير المستوردة ,
كلام شاعر جميل يبعث على الامل و يطمن
بابا عبده و بتاع السجق و الكبدة , العبد , العجيل , الشواربي , البوستة و العتبة , فاكر يا ميتو المترو القديم إللي كان عند سوق باب اللوق ؟
شفتت ان انا عندى حق ان احب مصر بكل ما فيها
mitto wrote:
شفتت ان انا عندى حق ان احب مصر بكل ما فيها
أنا إتمرمغت في الحتت دي كلها يا ميتو و لو عصرت دمي حاتلاقيه معتق من هناك يا جاري
يا مامشيت ساعات وساعات اكل سودانى ولب سوبر وابيض واتفرج عالمحلات واتابع كل جديد وآخر موضة وياما اشتريت حاجات وحاجات ..بن يمنى وبرازيلى واغير موبايلى القديم بجديد من عند التميمى ..احكى ايه ولا آيه
مصر جوانا عايشة فى عقولنا .. مش ممكن ننسها بسهولة
mitto wrote:
يا مامشيت ساعات وساعات اكل سودانى ولب سوبر وابيض واتفرج عالمحلات واتابع كل جديد وآخر موضة وياما اشتريت حاجات وحاجات ..بن يمنى وبرازيلى واغير موبايلى القديم بجديد من عند التميمى ..احكى ايه ولا آيه
مصر جوانا عايشة فى عقولنا .. مش ممكن ننسها بسهولة
و القهوة إللي جنب التميمي ! , و النادي السوداني إللي قصاده , و البازار إللي قدامه و الكنيسة إللي في آخر الشارع و محل كازانوفا يا ميتو! , و كمان لما تدخل شارع قصر النيل من الممر إللي جنب التميمي يا "جاري"
من حبى فيها سجلت قبل الثورة مجموعة من الصور لكل مكان عينى وقعت عليه وكأن قلبى حاسس بالتغيير اللى هيحصل .. بحاول استردها وأصنفها لكنى مشغول جداً الآن
انت مصرى أصيل 100% ووطنى مافيش كلام ونعم الجيرة
المركز الثقافي الفرنسي في شارع التميمي , الخطوط الجوية الليبية في قصر النيل , حتحوت , ملابس الأهرام , الشيخ ريحان و مقلي اللب إللي عند عمارة إستراند يا ميتو
محمصة البن البرازيلي في باب اللوق إللي جنبه مؤمن يا أصيل
