x
Xadrez - Xogar e Aprender

Chess.com

GRATIS - en Google Play

GRATIS - en Win Phone Store

VER
Cantos xogadores de xadrez hai en todo o mundo?

Cantos xogadores de xadrez hai en todo o mundo?

"Ninguén sabe, nin a ollo, canta xente xoga ao xadrez, e ninguén debería pretender sabelo." -- Edward Winter1

É o xadrez o xogo máis popular no mundo?

Aínda que ninguén pode confirmar estes datos, velaquí algunhas estimacións acerca do número de xogadores de xadrez, membros de Chess.com, xogadores de torneos e grandes mestres.

Total de xogadores: 600.000.000

Esta cifra frecuentemente citada sobre o número de persoas que xogaron ao xadrez no último ano expúxoa a FIDE (Federación Internacional de Xadrez) en 20122. O número foi extrapolado dos datos dunha enquisa de YouGov.

Outras estimacións sitúan esta cifra entre os 1.000 millóns, unha estimación seica baseada no boca a boca, e a anterior estimación máis moderada da FIDE de entre 200 e 300 millóns3. Se ben ninguén pode saber de certo a cifra real de xogadores de xadrez, do que non cabe dúbida é de que o xadrez é un dos xogos máis populares do mundo, hoxe e no pasado.

Chess Players In Central Park | Robert Hess

Xogadores de xadrez enchen Central Park en Nova York. | Photo: Robert Hess.

Membros de Chess.com: 20.000.000+

No momento de escribir, Chess.com superara os 20.000.000 de membros. Unha conta viva sobre o número de membros de Chess.com está sempre dispoñible na páxina de inicio de Chess.com.

Destes, bastantes máis dun millón están activos a diario. Se ben Chess.com é o sitio web de xadrez máis popular e conta tamén coa aplicación de xadrez máis popular no mundo (e a mellor na nosa opinión!), hai tamén moitos máis millóns de persoas que xogan ao xadrez frecuentemente noutros sitios web, aplicacións e sobre o taboleiro.

Queres probar Chess.com ti mesmo? Subscríbete gratis hoxe mesmo!

Rexístrate - é gratis!

20,000,000 members on Chess.com

Xogadores de torneos: 360.000+

A FIDE ten máis de 360.000 xogadores de torneos activos na súa base de datos4. Os xogadores de xadrez son rexistrados pola FIDE cando compiten en eventos internacionais puntuables. Se ben estes torneos adoitan ser abertos a todos os xogadores interesados, normalmente só os xogadores de xadrez máis serios chegan a este nivel.

Unhas 185 nacións e estados son membros da FIDE5. Moitas destas nacións membro tamén xestionan as súas propias listas de xogadores nacionais de torneos. Por exemplo, en 2016, a Federación de Xadrez dos Estados Unidos de América desvelou que tiña rexistrados máis de 85.000 xogadores de torneos entre os seus membros6. Só unha parte destes están rexistrados a nivel internacional pola FIDE.

FIDE Chess

Grandes Mestres: 1.594 e subindo

O título de maior nivel no xadrez é o de GM (Gran Mestre Internacional), un título outorgado pola FIDE7. Para obter o título de Gran Mestre, un xogador de xadrez ten que chegar a un nivel moi alto de xogo de maneira consistente, sacar tres "normas de Gran Mestre" e acadar unha puntuación de Elo da FIDE de 2500. Só unha pequena porcentaxe dos xogadores de torneos chegan a este nivel.

No momento de escribir, hai 1.594 grandes mestres no mundo. Destes, 1.559 son homes e 35 son mulleres. Esta proporción é coherente co número de homes e mulleres que xogan ao xadrez.

Judit Polgar

A GM Judit Polgar conseguiu o título de Gran Mestre Internacional con 15 anos e 4 meses de idade. Polo momento, ela é a máis nova GM de sempre. | Foto: Wikipedia.

Citas:

  1. Edward Winter on counting chess players
  2. FIDE press release
  3. David Kaplan, CEO of Development for FIDE
  4. FIDE member list
  5. FIDE
  6. US Chess
  7. Grandmaster

En liña