x
Xadrez - Xogar e Aprender

Chess.com

GRATIS - en Google Play

GRATIS - en Win Phone Store

VER
Como gañar unha partida de xadrez

Como gañar unha partida de xadrez

Como gaño unha partida de xadrez?

O obxectivo do xadrez é dar xaque mate ao teu opoñente.

Xaque mate é cando o rei é atacado por outra peza e non ten maneira de escapar. Neste caso, a partida remata. Pero para dar xaque mate hai que prepararse.

Para gañar unha partida de xadrez vas necesitar seis cousas:

1. Facer boas xogadas na apertura
O obxectivo das primeiras xogadas é facerse co control do taboleiro. A parte máis importante do taboleiro é o centro. Se es quen de controlar o centro do taboleiro coas túas pezas e peóns, poderás ter a iniciativa na partida. Na seguinte posición, os dous peóns brancos controlan perfectamente o centro do taboleiro, mentres que  as negras non teñen ningunha influencia no centro.

2. Non deixarte pezas
Cambiar pezas é algo normal no xadrez, pero só debes cambiar pezas do mesmo valor. Moitos xogadores perden simplemente porque se deixan pezas e peóns a cambio de nada. Porén, debes capturar todas as pezas que o teu opoñente se deixe (pero ollo coas celadas).

3. Posicionar ben as túas pezas
Antes de chegar ao rei, vas ter que situar as túas pezas en disposición de atacar. Isto significa que necesitas pezas activas que teñan moitas opcións.

Os peóns controlan casas. Os cabalos están ben polo centro. Os bispos en diagonais longas. As torres aliñadas no centro ou en columnas abertas. E a túa dama debe estar lista para entrar en acción.

4. Coordinar un ataque ao rei
Normalmente non poderás dar xaque mate cunha soa peza. Adoitan ser necesarias varias pezas traballando xuntas. A miúdo precisarás unha peza que dea xaque ao rei e outra peza que a defenda para que o rei non poida capturala. E moitas veces necesitarás aínda máis pezas para sacrificar e romper a defensa inimiga.

5. Vixiar a seguridade do teu rei

As veces os xogadores céntranse tanto no rei do opoñente que se esquecen de vixiar o seu propio rei. Lembra, o outro xogador tamén xoga, e estará tratando de atacar ao teu rei. Asegúrate de ver as ameazas de cada xogada do opoñente. Unha das mellores maneiras de protexer o teu rei é mantelo detrás dalgúns peóns defensivos. Na seguinte posición, o rei branco está protexido e seguro, mentres que o rei negro está exposto a ser atacado.

6. Ser sempre un bo deportista

Gañes ou perdas, sempre, felicita ou dá as grazas pola partida ao teu opoñente. Ámbalas dúas, vitoria e derrota, forman parte do xogo. Mesmo os mellores xogadores do mundo perden as veces.

Así que sé cortés e elegante ao finalizar e tómate o tempo de pensar que podes aprender para a seguinte partida.

Be a good sport.

Máis consellos para gañar ao xadrez, rexístrate en Chess.com. É gratis e fácil!

Rexístrate - é gratis!

En liña