O mate máis rápido posible
Algunha vez preguntácheste: "Cal é o mate máis rápido que se pode dar nunha partida de xadrez?" É o Mate Tolo.
O Mate Tolo (ou mate en 2 xogadas) é realmente algo parvo e require que ti ou o teu opoñente faga dúas moi malas xogadas. As Brancas abren co peón de bispo de rei (f) unha ou dúas casas adiante. As Negras xogan o peón de rei (e) para facilitar a saída da Dama. As Brancas moven o peón de cabalo (g) dúas casas adiante, permitindo que a Dama negra vaia a h4: xaque mate!
Como podes evitar que che dean o Mate Tolo? Simplemente non movas o peón de f! Este é un bo consello para os novos xogadores en xeral. Mover o peón de f abre perigosas liñas de ataque ao rei e é mellor evitalo cando estás aprendendo a xogar. Se non moves o peón de f, nin sequera un Grande Mestre poderá darche mate en dúas xogadas. 
Agora que coñeces este mate, por que non creas unha conta en Chess.com e xogas unha partida? Non che pode ir tan mal!
