20 yanvar – Respublika şahmat turniri

19 yanvar 2021-ci il tarixində “Təhsil” Respublika İdman Mərkəzinin təşkilatçılığı ilə 20 yanvar şəhidlərinin xatirəsinə həsr olunmuş onlayn formatda respublika şahmat turniri keçiriləcək.

Yarış isveçrə sistemi üzrə 11 turdan ibarət olacaq.Oyuna nəzarət vaxtı 3 dəqiqə, hər gedişə +1 saniyədir. İlk tur 19 yanvar 18:00-da start götürür. Yarışda Təhsil Nazirliyi sistemində fəaliyyət göstərən Uşaq Gənclər İdman Şahmat Məktəblərinin və şahmat klublarının 17 yaşadək (2004-cü il təvəllüdlü və daha kiçik yaşlı) şahmatçıları iştirak edə bilər.

Respublika şahmat turnirində ümumi hesabda ilk 3 yeri tutmuş oğlan və qız şahmatçılar “Təhsil” Respublika İdman Mərkəzinin müvafiq dərəcəli diplomları ilə təltif olunacaqdır. Bundan əlavə 7, 9, 11, 13, 15, 17 yaşadək oğlanlar və qızlar arasında ilk 3 yeri tutmuş şahmatçılar da müvafiq dərəcəli diplomlarla mükafatlandırılacaqlar.

Yarışın keçirilməsində əsas məqsəd 20 yanvar şəhidlərinin əziz xatirəsinin yad edilməsi, məktəblilərin asudə vaxtlarının səmərəli təşkili, sürətli şahmat (blitz) üzrə qaliblərin müəyyənləşdirilməsi və müasir texnologiyalardan istifadə etməklə şahmatçıların oyun təcrübələrinin  artırılmasıdır.

QEYD: Yarış bu klubda keçirildiyi üçün bu klubun üzvlərinin təkrar qeydiyyatdan keçməsinə ehtiyac yoxdur.

ƏSASNAMƏ: https://tehsilchess.az/wp-content/uploads/2020/04/20-yanvar-chess-regulation.pdf