Pasellas, kansspelle en wedlootjiegeleenthede

Van tyd tot tyd borg Chess.com etlike pasellas, kansspelle of wedlootjiebyeenkomste.

GEEN AANKOOP SAL NODIG WEES OM IN TE SKRYF, PRYSE OF GELD TE WEN, BY ENIGE BYEENKOMSTE VAN HIERDIE AARD NIE. 'n AANKOOP OF BETALING VAN ENIGE AARD SAL NIE JOU WENKANSE VERMEERDER NIE. ALLE SODANIGE GEVALLE IS ONGELDIG WAAR DIT VOLGENS WET BELET OF BEPERK WORD.

Deur deel te neem aan sodanige Byeenkomste, aanvaar en stem jy sonder voorbehoud in om hierdie Reëls, enige Amptelike Byeenkomsreëls rakende die Byeenkoms, en die beslissings van Chess.com, wat in alle opsigte finaal en bindend sal wees, na te kom en daarby te bly. Chess.com sal verantwoordelik wees vir die insameling, inlewering en verwerking van Inskrywings en die algehele administrasie van sodanige Byeenkomste. Ingeskrewenes moet alleenlik vir Chess.com nader met enige navrae, kommentaar of probleme wat hulle kan hê aangaande hierdie Byeenkomste.

Geskiktheid

Alle sodanige Byeenkomste sal beskikbaar wees aan wettige inwoners van geoorloofde ouderdom in gebiede waar hierdie Byeenkomste toegelaat word. Chess.com en hul besondere moedermaatskappye, dogtermaatskappye, sustermaatskappye, verspreiders, kleinhandelaars, verkoopsverteenwoordigers, reklame- en promosie-agentskappe, en elkeen van ons besondere beamptes, direkteure en werknemers is ongeskik om vir wedlootjiebyeenkomste in te skryf of 'n prys te wen. Gesinslede en naaste familielede van sulke persone is ook nie geskik om in te skryf of te wen nie. "Gesinslede" verwys hier na mense wat dieselfde woning deel vir ten minste drie maande per jaar. "Naaste familielede" verwys hier na ouers, stiefouers, peetouers, wettige voogde, kinders, stiefkinders, broers of susters, stiefbroers of -susters en gades. Hierdie Byeenkomste is onderworpe aan alle toepaslike federale, staats- en plaaslike wette en regulasies en is regsongeldig waar dit deur wetgewing belet of bepaal word.

Pryse

Chess.com sal die beskikbare pryse vir enige sodanige Byeenkoms mettertyd vasstel en bekend maak. Slegs een prys per persoon en per huishouding sal toegeken word. Geskenkbewyse en -sertifikate is onderworpe aan die bepalings en voorwaardes van die uitreiker. Pryse kan nie oorgedra, tot geld gemaak of van wenner vervang word nie. Ons behou die reg voor geheel en totaal na eie goeddunke om 'n plaasvervangerprys van gelyke of groter waarde uit te reik indien 'n prys wat in die Amptelike Reëls beskryf is vir welke rede ook al nie beskikbaar is of toegeken kan word nie, in geheel of ten dele. Die geskatte kleinhandelswaarde ("ARV") van die prys sal ons vasstelling te goeder trou verteenwoordig. Die bepaling is finaal, bindend en kan nie appèl daarteen ontvang nie. Indien die werklike waarde van die prys klaarblyklik minder is as die geskatte "ARV", dan sal die prysverskil nie in kontant uitgereik word nie. Ons lewer geen vertoog of waarborg aangaande die voorkoms, veiligheid of prestasie van enige toegestaande prys nie. Beperkings, voorwaardes en inperkings kan geld. Ons sal geen verlore of gesteelde pryse vervang nie.

Hierdie Byeenkomste is oop aan wettige inwoners van toegelate gebiede en Pryse sal slegs toegeken en/of afgelewer word by adresse wat binne die genoemde gebiede geleë is. Alle federale, staats- en/of plaaslike belasting, fooie en bobelastings is die allenige verantwoordelikheid van die pryswenner. Versuim om die Amptelike Reëls na te kom sal lei tot prysverbeuring.

Hoe om in te skryf

Jy kan aanlyn by enige Byeenkoms van so aard inskryf gedurende die Promosietydsbestek deur die toepaslike inskrywingsvorm, wat op ons webtuiste beskikbaar sal wees, te besoek.

Outomatiese Inskrywings wat deur individue of organisasies ingelewer is sal gediskwalifiseer word. Internet-inskrywing moet deur die Inskrywer ingelewer word. Enige poging deur die Inskrywer om meer as die voorgeskrewe hoeveelheid Inskrywings te verwerf deur die gebruik van verskeie/verskillende e-posadresse, identiteite, registrasies, intekenings of enige ander metode, insluitende, maar onbeperk tot, kommersiële wedstryd- of wedlootjiesubskripsiekennisgewing en/of inskrywingsdienste, sal die Inskrywer se Inskrywing ongeldig verklaar en daardie Inskrywer kan gediskwalifiseer word. Finale benoembaarheid vir die toekenning of enige prys is onderhewig aan benoembaarheidsverifikasie soos vermeld hieronder. Alle Inskrywings moet ingelewer word voor die einde van die Promosieperiode om te kan deelneem. Ons databasisklok sal die amptelike tydhouer wees vir alle sodanige Byeenkomste.

WENNER-BESLISSING OF -KEURING

Die Wenner(s) van sulke Byeenkoms sal bepaal of gekies word op die manier beskryf in die Amptelike Reëls van toepassing op die Byeenkoms.

WENNER-KENNISGEWING

Wenner sal via e-pos in kennis gestel word by die e-posadres wat voorsien is in die Inskrywingsinligting binne die tydsbestek wat aangekondig is in die Amptelike Byeenkomsreëls van die toepaslike Byeenkoms. Moontlike Wenner moet 'n prys aanvaar via e-pos soos gerig deur Chess.com binne die tydsbestek wat vermeld is in die Amptelike Byeenkomsreëls van die toepaslike Byeenkoms. Ons sal nie verantwoordelik wees vir enige vertraging of mislukking van kennisgewingontvangs vir enige rede nie, insluitende onaktiewe e-posadres(se), tegniese moeilikhede wat daarmee verband hou, of die Wenner se versuim om enige e-posadres genoegsaam te monitor.

Enige wennersaankondiging wat onbeantwoord of as onbestelbaar terug gestuur is kan lei tot prysverbeuring. Die moontlike pryswenner kan gevra word om 'n beëdigde verklaring van geskiktheid en vrystelling van aanspreeklikheid, en 'n Reklame-Ontslag (gesamentlik die "Pryseisingsdokumente"), te teken en terug te stuur. Slegs Chess.com word toegelaat om pryse te vervang of oor te dra.

Privaatheid

Enige persoonlike inligting wat deur jou ingelewer word is onderworpe aan ons privaatheidsbeleid by https://www.chess.com/legal/privacy. Deur vir enige sodanige byeenkoms in te skryf, verleen jy toestemming aan Chess.com om jou e-posadres en enige ander persoonlik-uitkenbare inligting met derdeparty-Byeenkomsvennote te deel slegs ten behoewe van administrasie en prysvervulling. Chess.com sal nie jou e-posadres of enige ander persoonlik-uitkenbare inligting aan die publiek openbaar nie. Ons kan egter 'n lys van Wenners se gebruikersname aan die publiek openbaar en Wenners se regte name slegs op versoek bekend maak.

Ooreenkoms en inwilliging

Jy stem in dat ons jou naam, afbeelding en gelykenis kan aanwend vir reklame-, publisiteit- en promosiedoeleindes in enige en alle media, sonder vergelding (tensy dit deur die wet verbied word) of addisionele toestemmings van jou of enige derdeparty af en sonder voorgaande kennisgewing, en jy stem in om uitvoering te gee aan spesifieke toestemming tot sulke aanwending indien ons dit versoek.

VERJARING VAN AANSPREEKLIKHEID

Chess.com aanvaar geen verantwoordelikheid of aanspreeklikheid vir: (a) enige verkeerde of onakkurate inskrywingsinligting, nóg enige foutiewe nóg mislukte elektroniese data-oorsendings; (b) enige ongemagtigde toegang tot, of diefstal, verwoesting of verandering van inskrywings op enige tydstip tydens die werking van hierdie Byeenkoms; (c) enige tegniese foutwerking, mislukking, fout, weglating, onderbreking, uitwissing, defek, werkingsvertraging of kommunikasielynmislukking, ongeag die oorsaak, met betrekking tot enige toerusting, sisteme, netwerke, lyne, satelliete, bedieners, kamera, rekenaars of verskaffers wat in enige aspek van die werking van die Byeenkoms aangewend word; (d) ontoeganklikheid of onbeskikbaarheid van enige netwerk of draadlose diens, die Internet, webtuiste of 'n kombinasie daarvan; (e) opgeskorte of opgehefte Internet, draadlose of landlyn-foondiens; of (f) enige beskadiging of skade aan nóg die Inskrywer nóg enige ander persoon se rekenaar of mobiele toestel wat betrekking het op, of ontstaan uit, enige poging om aan die Byeenkoms deel te neem of enige materiaal van die Byeenkoms af te laai nie.

Indien, vir enige rede, die Byeenkoms nie kan verloop soos beplan nie, weens redes wat sonder beperking kan insluit: infeksie deur rekenaarvirus, peutery, onwettige inmenging, bedrog, tegniese foute, of enige ander redes wat die administrasie, sekuriteit, regverdigheid, integriteit of behoorlike gedrag van hierdie Byeenkoms kan korrupeer of affekteer, dan behou Chess.com geheel na eie goeddunke die reg om die Byeenkoms in geheel of ten dele te skrap, rojeer, wysig of staak. In só geval, sal ons onmiddellik alle uitlotings en prystoekennings staak, en ons behou die reg om enige oorblywende pryse toe te ken (tot en met die totale "ARV" soos vermeld in die toepaslike Amptelike Byeenkomsreëls) op 'n manier wat ons billik en regverdig ag. Chess.com en die Gevrywaarde Partye sal geen verdere verpligting tot enige deelnemer in verband met die toepaslike Byeenkoms hê nie.

AFWYSING VAN SOSIALE NETWERK OF E-POSREKENINGVERSKAFFER

'n E-posrekening kan vereis word om in te skryf. Indien jy nog nie 'n e-posrekening het nie, moet jy 'n e-posrekeningverskaffer besoek en 'n e-posrekening skep. Om 'n e-posrekening te skep is gewoonlik gratis. Enige Chess.com-Byeenkomspromosie van hiedie aard is glad nie geborg, onderskryf of beheer deur, of 'n deelgenoot van, enige e-posrekeningverskaffers nie. Jy verstaan dat jy jou inligting voorsien aan Chess.com, nie jou e-posrekeningverskaffer nie. Deur deel te neem via jou e-posrekeningverskaffer, kan jy ook onderworpe wees aan hul databeleid en gebruiksvoorwaardes wat op hul platform beskikbaar is.

WENNERSLYS / AMPTELIKE REËLS

Om 'n kopie van die toepaslike Wennerslys met regte name of 'n kopie van die Amptelike Reëls van die toepaslike Byeenkoms te kry, rig jou versoek saam met 'n gefrankeerde, geadresseerde koevert aan:

Versoeke vir die regte name van die wenners moet ontvang word niks later as die datum wat in die toepaslike Amptelike Geleentheidsreëls vermeld is nie. Vir aanlyn toegang tot 'n Wennerslys, besoek die bronadres ("URL") van die toepaslike geleentheid. Die wennerslys sal bekend gemaak word nadat wennersbeslissing voltooi is.