მაია ჩიბურდანიძის 'ჭადრაკის დედოფლის აკადემიის' ღია ჩემპიონატი!

II ტურნირი – 2000-ზე მეტი რეიტინგის მოთამაშეებისთვის (chess.com-ის რეიტინგი)

ორგანიზატორი: ჭადრაკის დედოფლის აკადემია

დ ე ბ უ ლ ე ბ ა

1. მიზანი და ამოცანები: ჭადრაკის შემდგომი პოპულარიზაცია ქართულ ონლაინ სივრცეში.

2. ჩატარების ვადები და ადგილი: 11 ოქტომბერი, 14:30, საერთაშორისო საჭადრაკო პლატფორმა: www.chess.com.

3. ტურნირი:

- II ტურნირი – 2000-ზე მეტი რეიტინგის მოთამაშეებისთვის (chess.com-ის რეიტინგი)

4. მონაწილეობის პირობები:

- ონლაინ-ტურნირში დაიშვება ნებისმიერი მოჭადრაკე, ვისი რეიტინგიც (chess.com-ის) 2000-ზე მეტია და ვინც გაწევრიანებული იქნება chess.com-ზე არსებულ ჯგუფში ‘Maya Chiburdanidze Club’. https://www.chess.com/club/maya-chiburdanidze-club/join

- ტურნირის მსვლელობისას მონაწილეები უნდა ჩაერთონ ‘ZOOM’ -ის საკონფერენციო ოთახში, სადაც ზუსტი იდენტიფიცირებისთვის სრულად უნდა ჩანდეს მოთამაშის როგორც chess.com-ის მომხმარებლის სახელი, ასევე რეალური სახელი და გვარი

- ‘ZOOM’-ის ბმული დაიდება chess.com-ის მაია ჩიბურდანიძის ონლაინ კლუბის გვერდზე ტურნირის დაწყებამდე 1 საათით ადრე

- მონაწილე, რომელიც არ ჩაერთვება ‘ZOOM’ -ში ვიდეოკამერით, ან შეუძლებელი იქნება მისი იდენტიფიცირება, ან იდენტიფიცირებისას წარმოჩინდება რაიმე სახით ეთიკური კოდექსის დარღვევა, საპრიზო ადგილის დაკავების შემთხვევაში ვერ მიიღებს პრიზს და მისი დაშვება კლუბის შემდგომ ტურნირებში იქნება კლუბის ადმინისტრაციის განხილვის საგანი.

- საპრიზო ადგილების გაყოფის შემთხვევაში, ადგილები განაწილდება შემდეგი მონაცემებით:

1. ბუჰგოლცი (chess.com-ის თაი-ბრეიქის სისტემა)

2. პირადი შეხვედრა

3. მოგებების მეტი რაოდენობა

4. პროგრესი

5. სისტემა და დროის კონტროლი:

- თითოეული ტურნირი გაიმართება ფიდეს წესებით, შვეიცარიული სისტემით 7 ტურად.

- მონაწილეებს ეძლევათ 10 წუთი პარტიის ბოლომდე, ყოველ სვლაზე 2 წამის დამატებით.

- აუცილებლობის შემთხვევაში ტურნირის ჩატარების სისტემას განსაზღვრავს ორგანიზატორი.

6. პრიზები:

I – III ადგილზე გასული მოჭადრაკეები ტურნირში დაჯილდოვდებიან ფულადი პრიზებით, საქართველოს კანონმდებლობით გათვალისწინებული გადასახადების გამოკლებით.

საპრიზო ფონდი: 340 ლარი

I ადგილი – 150 ლარი;

II ადგილი – 110 ლარი;

III ადგილი – 80 ლარი.

- რეგისტრაცია დაიწყება 11 ოქტომბერს, ტურნირის დაწყებამდე ერთი საათით ადრე, 13.30-ზე

- წინასწარი ინფორმაცია გამოქვეყნებული იქნება ჩვენს ფბ-გვერდზე Chess Queen Academy ჭადრაკის დედოფლის აკადემია: https://rb.gy/0qh4wf