para sa 'yo, kaibigan.....
Sort:
Most Recent
Forum Legend
Following
New Comments
Locked Topic
Pinned Topic
Isang Araw, Isang Bahag-hari
By: Edz Dayang
Salamat kaibigan,
Sa iyong mga salita,
Sa pagbibigay-pugay
Sa aking nagawa.
Dalangin isang araw,
Nawa ay marinig,
Dulo ng iyong bahag-hari
Ay aking mawari.
At sa pagsikat ng araw
Sa silangang bahagi,
Kasabay ng pagtangis
Ng ulap sa langit.
Ito ang tanda sa aking panalangin,
Na sa kanyang pagpawi ay iyong makamit,
Ang pagsilay ng kulay
Nang aking bahag-hari.
Sakaling sa paglubog ng araw
Sa kanlurang bahagi,
Sumabay ang paglaho
Nang iyong bahag-hari.
Hayaan nating mamutawi
Sa paglipas ng tanghali
Ang pag-anib ng kulay
Nang ating bahag-hari.