![Si të pregatisni një tabelë shahu](https://images.chesscomfiles.com/uploads/v1/article/19220.b6c5e4f5.668x375o.837f6a170545@2x.jpeg)
Si të pregatisni një tabelë shahu
Nëse keni nje komplet shahu dhe doni të filloni një lojë, gjëja e parë që ju duhet është të pregatisni tabelën e shahut saktë.
Hapi 1: Vendosni tabelën e shahut ku kuadrati i bardhë është në cepin djathtas poshtë.
Është e rëndësishme që ta vendosni tabelën saktë që vendosja e gurëve të jetë e saktë. Një mënyrë e lehtë për ta mbajtur mend është "katrori i bardhe në të djathtë".
Hapi 2: Vendosni ushtartët në rreshtin e dytë.
Vendosja e ushtarëve në fillim ju lehtëson që të keni më pak gurë për të vendosur, dhe për rrjedhojë gurët e mbetur do i vendosni më kollaj.
Hapi 3: Vendosni torrat në cepa.
Kjo mbahet mend lehtë sepsa torrat ngjajnë si kullat në një kështjellë të vërtetë.
Hapi 4: Vendosni kuajt menjëherë ngjitur me torrat.
Imagjinoni sikur do vendosni dy kuaj me erë të qelbur dhe doni t'i vendosni sa me larg mbretit e mbretëreshës.
Hapi 5: Oficerët vijnë menjëherë pas kuajve.
Oficerët qëndrojnë në mes të kuajve me erë të qelbur dhe mbretit dhe mbretëreshës. Vendosini direkt pas kuajve.
Hapi 6: Mbretëresha vendoset ne kuadratin me ngjyrën e vet.
Ka rëndësi se ku vendoset mbretëresha. Për ta mbajtur mend, krahasoni ngjyrën e saj me ngjyrën e katrorit në tabelë. Mbretëresha e bardhë vendoset te katrori i bardhë. Mbretëresha e zezë te katrori i zi.
Hapi 7: Vendos mbretin në kuadratin e fundit.
Në këtë hap, keni vetëm një katror bosh, kështu që vendosni mbretin në katrorin bosh.
Hapi 8: Mos harroni, i bardhi lëviz i pari.
Në shah, lojtari me gurët e bardhë lëviz gjithmonë i pari. Ju zgjidhni se kush do luaj me të bardhët e kush me të zinjtë. Një mënyrë për ta caktuar këtë është që një lojtar fsheh në dorë një ushtar të bardhë, i tregon para të dy duart e mbyllura dhe kundërshtari zgjedh një dorë.
Nëse doni të nisni një lojë, keni para jush një tabelë gati te Chess.com!